Om susupo salut deng ini anggota dewan pe baku tarung konsep kamarin. Itu niatnya fraksi tertentu yang mo bakase basaar badan, deng cara bakumpul anggota-anggota dewan laen yang mo suka kalur dari sama depe fraksi, akhirnya so jadi kalangkabut, karna ternyata ada depe aturan yang te bakase boleh bapindah-pindah. Om susupo pikir, bagus juga kalu memang te bisa bapindah-pindah fraksi, karna memang bapilih baku gabung deng partai laen waktu mo babikin fraksi, berarti so musti siap deng sagala rupa depe konsekuensi.
Om susupo rasa, itu aturan memang so bagus skali, supaya jang karna so te baku sanang, atau karna alasan mo bacari sesuatu, baru somo suka bapindah-pindah. Kalu memang bisa bapindah-pindah, tantu bisa jadi lebeh kalangkabut, karna bagitu mo suka pindah, tinggal babilang kon baminta pindah. Ini pamarentah pusat ternyata so babaca ini kajadian, jad dorang so bikin akan aturan yang memang te bakase jalan bapindah-pindah fraksi. Tagal itu, kalu so satu fraksi, om susupo pikir lebeh bae memang satu fraksi saja sampe abis masa jabatan. Kalu te baku cocok, nanti abis pemilu lagi baru bagabung deng yang laen lagi.
Cuma yang om susupo pusing akan, sarta itu rapat yang kamarin so te talanjut, eh muncul pikiran mo pigi bakonsultasi lagi ka Jakarta. Om susupo babayangkan, kalu itu doi yang tapake buat mo bakonsultasi, satu orang ada bakase abis 11 juta lebeh, baru yang mo pigi barang sapuluh orang, ebee, macam banyak juga yang tapake.
So ini yang om susupo pusing akan. Cuma buat mo batanya itu satu pasal yang dorang ada baku bantah akan, so musti pigi ka Jakarta lagi, kon bapake doi rakyat lagi. Padahal yang mo dikonsultasi akan itu urusanya orang yang mo suka bapindah-pindah fraksi, jadi bukan urusannya ini pembangunan, bukan urusannya rakyat, bukan juga urusan ini daerah aman atau tidak.
Om susupo saja yang cuma mangarti sapanggal ini soal hukum, sarta dikase baca itu aturan, so langsung yakin kalu memang ini anggota fraksi yang so diumumkan waktu pertama dibikin, te bisa diganti-ganti lagi, karna memang so diparipurnakan. Mustinya ini dewan juga bapikir, masih banyak skali urusan yang musti dikarja bae-bae kon bapake doinya rakyat, daripada bapake doinya rakyat cuma buat mo pigi batanya soal satu pasal yang mustinya so jelas skali depe bunyi. Sama depe penjelasan juga so tatulis, kalu itu pasal 31 yang dibaribut akan, so jelas, jadi so te parlu di baku bantah akan.
Jang sampe, ini bakonsultasi bukan cuma mo bakase boros doi-doi rakyat, tapi skaligus juga bakase liat ini kemampuan babaca aturan yang payah skali. Kasian juga ini rakyat, kalu ternyata ini depe wakil pe babaca aturan saja kalangkabut. Kon kalu memang masih kacau, kan bisa pigi tanya sama itu master hukum yang ada di kampus-kampus di Luwuk. Baru yang lebeh bikin pusing kapalanya om susupo, di dewan kan pe banyak juga itu sarjana hukum. Baru bagimana dorang pe skolah hukum, kon masih kalangkabut babaca satu pasal. Om susupo jadi batanya-tanya juga, dorang pe skolah hukum mo dipake buat apa, sampe cuma mo babaca satu pasal, musti pigi batanya di Jakarta. Jang-jang, so campur mo suka papasiar juga...??**
Om susupo rasa, itu aturan memang so bagus skali, supaya jang karna so te baku sanang, atau karna alasan mo bacari sesuatu, baru somo suka bapindah-pindah. Kalu memang bisa bapindah-pindah, tantu bisa jadi lebeh kalangkabut, karna bagitu mo suka pindah, tinggal babilang kon baminta pindah. Ini pamarentah pusat ternyata so babaca ini kajadian, jad dorang so bikin akan aturan yang memang te bakase jalan bapindah-pindah fraksi. Tagal itu, kalu so satu fraksi, om susupo pikir lebeh bae memang satu fraksi saja sampe abis masa jabatan. Kalu te baku cocok, nanti abis pemilu lagi baru bagabung deng yang laen lagi.
Cuma yang om susupo pusing akan, sarta itu rapat yang kamarin so te talanjut, eh muncul pikiran mo pigi bakonsultasi lagi ka Jakarta. Om susupo babayangkan, kalu itu doi yang tapake buat mo bakonsultasi, satu orang ada bakase abis 11 juta lebeh, baru yang mo pigi barang sapuluh orang, ebee, macam banyak juga yang tapake.
So ini yang om susupo pusing akan. Cuma buat mo batanya itu satu pasal yang dorang ada baku bantah akan, so musti pigi ka Jakarta lagi, kon bapake doi rakyat lagi. Padahal yang mo dikonsultasi akan itu urusanya orang yang mo suka bapindah-pindah fraksi, jadi bukan urusannya ini pembangunan, bukan urusannya rakyat, bukan juga urusan ini daerah aman atau tidak.
Om susupo saja yang cuma mangarti sapanggal ini soal hukum, sarta dikase baca itu aturan, so langsung yakin kalu memang ini anggota fraksi yang so diumumkan waktu pertama dibikin, te bisa diganti-ganti lagi, karna memang so diparipurnakan. Mustinya ini dewan juga bapikir, masih banyak skali urusan yang musti dikarja bae-bae kon bapake doinya rakyat, daripada bapake doinya rakyat cuma buat mo pigi batanya soal satu pasal yang mustinya so jelas skali depe bunyi. Sama depe penjelasan juga so tatulis, kalu itu pasal 31 yang dibaribut akan, so jelas, jadi so te parlu di baku bantah akan.
Jang sampe, ini bakonsultasi bukan cuma mo bakase boros doi-doi rakyat, tapi skaligus juga bakase liat ini kemampuan babaca aturan yang payah skali. Kasian juga ini rakyat, kalu ternyata ini depe wakil pe babaca aturan saja kalangkabut. Kon kalu memang masih kacau, kan bisa pigi tanya sama itu master hukum yang ada di kampus-kampus di Luwuk. Baru yang lebeh bikin pusing kapalanya om susupo, di dewan kan pe banyak juga itu sarjana hukum. Baru bagimana dorang pe skolah hukum, kon masih kalangkabut babaca satu pasal. Om susupo jadi batanya-tanya juga, dorang pe skolah hukum mo dipake buat apa, sampe cuma mo babaca satu pasal, musti pigi batanya di Jakarta. Jang-jang, so campur mo suka papasiar juga...??**
