Orang-orang bilang, ini kehidupan bapolitik, te ada tamaan tatap deng lawan tatap, yang ada samua sementara. Karna kalu kapantingan so te sama, biar tamaan biasa so jadi lawan, bagitu juga depe kebalikan, kalu kapantingan so jadi sama, biar bukan tamaan, biasa so jadi baku tamaan. Ini yang orang-orang biasa bilang, om susupo so liat-liat juga di Dewan Banggai. Kamarin saja, waktu mo barencana barombak itu alat kelengkapannya dewan, eh ada tamaan satu fraksi yang so ada baku-baku bawa dua taon stengah, akhirnya sobaminta baku pisah. Tantu barangkali karna so te baku cocok, atau depe kapantingan so te baku sama, jadi so ada yang baminta bapisah.
Om susupo pikir, yang macam bagini tantu memang musti dianggap biasa. So bagitu itu memang bapolitik. Kalu kapantingan so baku beda, yah kandati ada baku-baku bawa so taon-taon, akhirnya baminta cere. Parsis sama deng rumah tangga, antara suami deng istri. Kandati ada yang so baku bawa barapa taon, kalu so baku te cocok, biasa so baminta cere. Tapi karna ini fraksi te sama deng rumah tangga, tantu depe aturan beda. Kalu om susupo te salah, itu rumah tangga kan diatur deng UU nomor 1 taon 1974 tentang perkawinan. Kalu itu perkawinan so te bisa dikase salamat, yah bisa baku minta cere, kon depe proses lewat pengadilan agama. Cuma kalu itu fraksi, kan diatur deng UU nomor 27 taon 2009 tentang MPR,DPR, DPD,DPRD, kon depe aturan pelaksanaan pake PP nomor 16 taon 2010. Depe beda disitu. Kalu perkawinan boleh baku minta cere ditengah jalan, kon kalu ini ba fraksi, te bisa baku minta cere ditengah jalan. Kalu so talanjur baku gabung waktu pertama abis dilantik, so diatur supaya itu fraksi tatap sampe abis dorang pe masa jabatan. Om susupo pikir, ini aturan tantu dibikin, supaya jang sambarangan baku minta cere di fraksi. Jang cuma karna ada baku tasalah sadikit, atau karna depe kapantingan so te baku sama, baru sambarangan baku minta cere. Kalu dikase bebas baku cere, memang somo jadi kalangkabut ini fraksi-fraksi. Karna bagitu ada baku tasalah, langsung mo baminta baku cere saja...
Cuma yang om susupo pusing akan, ini di dewan kan pe banyak skali yang skolah hukum, sampe so banyak juga yang ada bapake titel master. Kalu yang skolah hukum saja pe banyak skali, kon masih te bisa bapahami itu aturan PP nomor 16 taon 2010, baru kira-kira kamana dorang pe ilmu hukum itu. Samua memang bisa babikin penafsiran sesuai depe suka-suka. Tapi kalu yang ada mangarti hukum karna memang dorang ada skolah hukum, mustinya depe tugas babantu bakase paham dorang yang kebetulan te paham kon te skolah hukum. Karna skarang ini, so ada yang om susupo liat sampe so te baku enak, gara-gara blum ada kejelasan, padahal itu aturan pe jelas skali. Karna so baku minta cere di fraksi, om susupo liat hele mo baku togoor macam so kurang baku enak. Cuma kalu urusan kurang baku enak, om susupo anggap kase biar dorang saja yang rasa. Tapi yang lebeh bikin pusing, karna ini pemahaman hukum juga so jadi kalangkabut, akhirnya uang rakyat lagi yang musti tapake, cuma buat mo pigi batanya satu pasal di Jakarta. Hebaat juga jadi anggota dewan, cuma mo batanya satu pasal, bisa campur papasiar ka tugu monas...**
Om susupo pikir, yang macam bagini tantu memang musti dianggap biasa. So bagitu itu memang bapolitik. Kalu kapantingan so baku beda, yah kandati ada baku-baku bawa so taon-taon, akhirnya baminta cere. Parsis sama deng rumah tangga, antara suami deng istri. Kandati ada yang so baku bawa barapa taon, kalu so baku te cocok, biasa so baminta cere. Tapi karna ini fraksi te sama deng rumah tangga, tantu depe aturan beda. Kalu om susupo te salah, itu rumah tangga kan diatur deng UU nomor 1 taon 1974 tentang perkawinan. Kalu itu perkawinan so te bisa dikase salamat, yah bisa baku minta cere, kon depe proses lewat pengadilan agama. Cuma kalu itu fraksi, kan diatur deng UU nomor 27 taon 2009 tentang MPR,DPR, DPD,DPRD, kon depe aturan pelaksanaan pake PP nomor 16 taon 2010. Depe beda disitu. Kalu perkawinan boleh baku minta cere ditengah jalan, kon kalu ini ba fraksi, te bisa baku minta cere ditengah jalan. Kalu so talanjur baku gabung waktu pertama abis dilantik, so diatur supaya itu fraksi tatap sampe abis dorang pe masa jabatan. Om susupo pikir, ini aturan tantu dibikin, supaya jang sambarangan baku minta cere di fraksi. Jang cuma karna ada baku tasalah sadikit, atau karna depe kapantingan so te baku sama, baru sambarangan baku minta cere. Kalu dikase bebas baku cere, memang somo jadi kalangkabut ini fraksi-fraksi. Karna bagitu ada baku tasalah, langsung mo baminta baku cere saja...
Cuma yang om susupo pusing akan, ini di dewan kan pe banyak skali yang skolah hukum, sampe so banyak juga yang ada bapake titel master. Kalu yang skolah hukum saja pe banyak skali, kon masih te bisa bapahami itu aturan PP nomor 16 taon 2010, baru kira-kira kamana dorang pe ilmu hukum itu. Samua memang bisa babikin penafsiran sesuai depe suka-suka. Tapi kalu yang ada mangarti hukum karna memang dorang ada skolah hukum, mustinya depe tugas babantu bakase paham dorang yang kebetulan te paham kon te skolah hukum. Karna skarang ini, so ada yang om susupo liat sampe so te baku enak, gara-gara blum ada kejelasan, padahal itu aturan pe jelas skali. Karna so baku minta cere di fraksi, om susupo liat hele mo baku togoor macam so kurang baku enak. Cuma kalu urusan kurang baku enak, om susupo anggap kase biar dorang saja yang rasa. Tapi yang lebeh bikin pusing, karna ini pemahaman hukum juga so jadi kalangkabut, akhirnya uang rakyat lagi yang musti tapake, cuma buat mo pigi batanya satu pasal di Jakarta. Hebaat juga jadi anggota dewan, cuma mo batanya satu pasal, bisa campur papasiar ka tugu monas...**
Baca Juga :
*Tuntut Pembentukan Satgas Mafia BBM
Demonstran 'Menyerah'
*Raperda Kecamatan Baru Mulai Dibahas
Pemda Tak Ajukan Saluan Aleg dan Sekkab Sudah Akur
DPRD Cabut 26 Perda Retribusi Daerah
Lapelhi Akan Lapor Pemda ke Mendagri
*Paripurna Perubahan AKD Deadlock
Niat Dua Nur Kandas
*Konsultasi 1 Pasal ke Jakarta
Uang Rakyat Terkuras Lagi
Mahasiswa Cegat Plat Merah
77 M Anggaran 2011 Tidak Dipakai
