Om susupo kaget juga waktu baku temu deng orang kamarin di kantor dewan. Itu orang yang om susupo te tau sapa depe nama, mendadak babilang sama om susupo, supaya sebelum ba absent ini anggota dewan yang pamalas hadir, terutama waktu rapat-rapat. Yang lebeh penting ini Badan Kehormatan dulu yang parlu dikase tertib.
Itu orang ada babilang stuju deng katua dewan pe peringatan, supaya ini BK yang depe tugas bajaga kehormatannya dewan, ba absent samua anggota dewan terutama waktu rapat-rapat, supaya bisa ditau sapa yang pamalas hadir. Cuma dia bilang, sebelum ba kase tertib anggota yang laen, mustinya ini BK dulu yang dikase tertib. Ini BK dia bilang, musti rajin-rajin depe anggota, kalu parlu tiap hari maso kantor.
Jang sampe, so ini BK pe anggota yang susah mo didapat bakantor. Karna dorang pe tugas bajaga kahormatannya dewan, tantu te bisa kalu itu BK cuma mo dating kon kaliatan aktif nanti paripurna juga. Ini dewan kan musti bakantor tiap hari, karna amper tiap hari ada masyarakat yang datang, kandati cuma mo mangadu. Jang sampe, waktu masyarakat ada bacari anggota dewan, baru itu anggota dewan te ada, eh depe BK juga baku ikot te bakantor. Bagitu juga waktu ada rapat-rapat, macam hearing atau rapat komisi, mustinya BK juga musti tau, sapa-sapa yang rajin datang, deng sapa-sapa yang pamalas datang.
Om susupo pikir, apa yang itu orang ada bilang, tantu butul juga. Ini BK pe tugas kan memang barat, karna mo baku jaga deng anggota dewan laen pe sikap. Jang sampe juga anggota dewan laen lebeh rajin hadir daripada anggota BK sandiri.
Om susupo juga bapikir, ini pimpinan dewan musti barani bakase tindakan sama anggota dewan yang pamalas hadir. Kalu buat yang pamalas hadir, coba te usah dikase-kase kesempatan buat baku ikot perjalanan dinas. Buat apa juga mo dikase dorang pe hak perjalanan dinas, kalu dorang pe kewajiban buat maso-maso kantor dorang te bikin.
Memang biasanya, kalu soal batuntut hak, paling kancang skali dibataria akan. Tapi giliran mo babikin dorang pe kawajiban, rupa pe stengah mati skali. Bayangkan saja, ada yang om susupo dengar so ba ulang kali ba ikot bimbingan teknis ka Jakarta, tapi sampe skarang tatap te kaliatan depe jago di dewan. Mustinya yang bagini juga diurus, kon kalu memang BK te ada hak ba urus dorang, mustinya partai yang turun tangan. Jang sampe cuma tacatat jadi anggota dewan, tapi te kaliatan depe jago sebagai wakil rakyat…**
Itu orang ada babilang stuju deng katua dewan pe peringatan, supaya ini BK yang depe tugas bajaga kehormatannya dewan, ba absent samua anggota dewan terutama waktu rapat-rapat, supaya bisa ditau sapa yang pamalas hadir. Cuma dia bilang, sebelum ba kase tertib anggota yang laen, mustinya ini BK dulu yang dikase tertib. Ini BK dia bilang, musti rajin-rajin depe anggota, kalu parlu tiap hari maso kantor.
Jang sampe, so ini BK pe anggota yang susah mo didapat bakantor. Karna dorang pe tugas bajaga kahormatannya dewan, tantu te bisa kalu itu BK cuma mo dating kon kaliatan aktif nanti paripurna juga. Ini dewan kan musti bakantor tiap hari, karna amper tiap hari ada masyarakat yang datang, kandati cuma mo mangadu. Jang sampe, waktu masyarakat ada bacari anggota dewan, baru itu anggota dewan te ada, eh depe BK juga baku ikot te bakantor. Bagitu juga waktu ada rapat-rapat, macam hearing atau rapat komisi, mustinya BK juga musti tau, sapa-sapa yang rajin datang, deng sapa-sapa yang pamalas datang.
Om susupo pikir, apa yang itu orang ada bilang, tantu butul juga. Ini BK pe tugas kan memang barat, karna mo baku jaga deng anggota dewan laen pe sikap. Jang sampe juga anggota dewan laen lebeh rajin hadir daripada anggota BK sandiri.
Om susupo juga bapikir, ini pimpinan dewan musti barani bakase tindakan sama anggota dewan yang pamalas hadir. Kalu buat yang pamalas hadir, coba te usah dikase-kase kesempatan buat baku ikot perjalanan dinas. Buat apa juga mo dikase dorang pe hak perjalanan dinas, kalu dorang pe kewajiban buat maso-maso kantor dorang te bikin.
Memang biasanya, kalu soal batuntut hak, paling kancang skali dibataria akan. Tapi giliran mo babikin dorang pe kawajiban, rupa pe stengah mati skali. Bayangkan saja, ada yang om susupo dengar so ba ulang kali ba ikot bimbingan teknis ka Jakarta, tapi sampe skarang tatap te kaliatan depe jago di dewan. Mustinya yang bagini juga diurus, kon kalu memang BK te ada hak ba urus dorang, mustinya partai yang turun tangan. Jang sampe cuma tacatat jadi anggota dewan, tapi te kaliatan depe jago sebagai wakil rakyat…**
