Kamarin ada yang bakase ingat om susupo soal kasus temuan BBM solar yang pernah digerebeknya polisi di komplek Jole, te jaoh dari hotel Karaton. Cuma itu kasus yang so barapa bulan lalu, rupa so te kadengaran depe kabar. Itu orang yang bakase ingat om susupo babilang, ini bosnya polisi parlu bakase jelas itu kasus, apa memang te ada depe bukti, atau so bagimana depe sambungan lagi, karna kalu te salah, dulu ada oknum patugas yang sempat mangaku jadi depe tuan. Tagal itu, musti dikase jelas depe kabar, apa memang so te mo dilanjut depe kasus, atau memang itu kasus BBM so manguap sama-sama deng depe minyak, atau bagimana ? bagitu itu orang bilang.
Om susupo ta ingat, itu kasus memang pernah ada, kon rame ditulisnya koran sekitar bulan April lalu. Cuma skarang ini, so te tau depe kabar lagi. Yah, so ini yang jadi pakarjaan rumahnya polisi, buat ba bongkar kasus BBM, jang sampe karna ada depe patugas barangkali, baru somo dikase manguap.
Ini polisi musti bakase bukti, kalu dorang memang professional kon te pandang bulu. Kan sebelumnya ada kasus minyak tanah yang didusu-dusunya polisi, karna ada balibatkan pajabat di Pol PP. Itu kasus sampe bikin heboh, karna mulai dari depe pajabat yang dianggap terlibat sampe depe oto dinas, sempat di tahannya polisi.
Polisi memang musti bakase liat bukti sama masyarakat, bukan cuma kasus yang balibatkan orang yang bukan polisi yang dikarbas, tapi kalu ada kasus yang kira-kira balibatkan patugas hukum, juga musti ditabang abis. Jang sampe orang-orang kacili bilang, itu hukum cuma mo tajam sama orang, tapi tumpul kalu so baku hadap deng patugas sandiri.
Om susupo juga ta ingat, ada kasus polisi yang kana pukul di komplek Karaton, kon skarang ini rupa serius butul diurusnya polisi. Tapi ada kasus laen macam itu korban yang sampe maninggal di rumahnya pengusaha di Bunta barapa taon lalu, sampe skarang depe kabar so ilang sama skali. Mustinya, kalu memang ada kasus yang so te mampu dibongkar, polisi musti barani juga babilang, kalu itu kasus dorang so hapus atau so dideponir. Tapi itu kasus di Bunta memang so pe lama skali, anggap saja memang so te mampu di bongkarnya polisi sapa depe pelaku.
Cuma kalu macam itu kasus BBM yang di Jole, kan blum talalo lama, jadi mustinya ada depe kabar bagus. Tapi kalu memang te mampu dibongkar sampe jelas skali, yah umumkan juga sama masyarakat, supaya masyarakat te baku harap lagi mo babongkar kasus. Jang sampe, talalo banyak laporannya masyarakat, tapi talalo sadikit yang butul-butul beres. Kalu memang depe bukti so manguap kon so te bisa dikase jelas, bilang saja bagitu…**
Om susupo ta ingat, itu kasus memang pernah ada, kon rame ditulisnya koran sekitar bulan April lalu. Cuma skarang ini, so te tau depe kabar lagi. Yah, so ini yang jadi pakarjaan rumahnya polisi, buat ba bongkar kasus BBM, jang sampe karna ada depe patugas barangkali, baru somo dikase manguap.
Ini polisi musti bakase bukti, kalu dorang memang professional kon te pandang bulu. Kan sebelumnya ada kasus minyak tanah yang didusu-dusunya polisi, karna ada balibatkan pajabat di Pol PP. Itu kasus sampe bikin heboh, karna mulai dari depe pajabat yang dianggap terlibat sampe depe oto dinas, sempat di tahannya polisi.
Polisi memang musti bakase liat bukti sama masyarakat, bukan cuma kasus yang balibatkan orang yang bukan polisi yang dikarbas, tapi kalu ada kasus yang kira-kira balibatkan patugas hukum, juga musti ditabang abis. Jang sampe orang-orang kacili bilang, itu hukum cuma mo tajam sama orang, tapi tumpul kalu so baku hadap deng patugas sandiri.
Om susupo juga ta ingat, ada kasus polisi yang kana pukul di komplek Karaton, kon skarang ini rupa serius butul diurusnya polisi. Tapi ada kasus laen macam itu korban yang sampe maninggal di rumahnya pengusaha di Bunta barapa taon lalu, sampe skarang depe kabar so ilang sama skali. Mustinya, kalu memang ada kasus yang so te mampu dibongkar, polisi musti barani juga babilang, kalu itu kasus dorang so hapus atau so dideponir. Tapi itu kasus di Bunta memang so pe lama skali, anggap saja memang so te mampu di bongkarnya polisi sapa depe pelaku.
Cuma kalu macam itu kasus BBM yang di Jole, kan blum talalo lama, jadi mustinya ada depe kabar bagus. Tapi kalu memang te mampu dibongkar sampe jelas skali, yah umumkan juga sama masyarakat, supaya masyarakat te baku harap lagi mo babongkar kasus. Jang sampe, talalo banyak laporannya masyarakat, tapi talalo sadikit yang butul-butul beres. Kalu memang depe bukti so manguap kon so te bisa dikase jelas, bilang saja bagitu…**
