Barangkali kalu ada pajabat yang te suka bapake plat merah, te suka bapake oto dinas yang depe harga minta ampun depe mahal, te suka papasiar pake plat merah, dianggap baleen alias aneh. Tapi model pajabat bagitu ternyata ada. Itu Jokowi, Walikota Solo yang di Pilkada tahun 2010 menang sampe lebeh 90 persen, kon skarang baru tapilih jadi Gubernur DKI Jakarta, ternyata bapake oto dinas yang depe harga cuma puluhan juta, yang dibikinnya anak-anak SMK alias sekolah menengah kejuruan teknik. Dia memang aneh, kon lantaran depe aneh barangkali, sampe banyak orang Indonesia yang skarang ini suka baliat dia di Tv. Om susupo saja sampe so suka baliat dia, karna memang depe model luar biasa. Depe oto pribadi cuma oto kijang.
Cuma Joko Widodo memang laen dibanding pajabat yang laen. Kalu yang biasa om susupo liat, justru rupa mo baku rampas deng oto dinas. Kalu dikase oto dinas yang depe model deng depe kemampuan kacili, ebee te lama somo minta baganti. Depe garaap, ada yang bapake perbandingan di daerah laen yang depe pajabat bapake oto yang lebeh mahal. So disini depe hebat, te ada yang bapake perbandingan sama itu Jokowi. Banyak yang justru baliat contoh di daerah laen yang depe oto dinas banyak skali.
Om susupo pikir, wajar kalu pajabat dikase oto dinas buat bakase lancar dorang pe urusan. Tapi itu oto dinas, dikase bukan buat bakase sanang pajabat, apalagi ada yang sampe depe istri, depe anak, depe kaluarga, so baku ikot merasa sebagai tuannya itu oto dinas. Padahal, itu oto dinas, buat pajabat supaya bakase lancar depe tugas ba urus rakyat, bukan dibili buat bakase sanang depe kaluarga.
Om susupo bukan sirik, karna om susupo memang bukan pajabat. Cuma coba sadar kasian ini pajabat, kalu kira-kira so bukan jam kantor, te usah lagi itu oto dinas kasana-kamari, ada yang singgah di took balanja, ada yang singgah di Lalong, ada yang ka keles, ada juga yang kaliatan taputar-putar di kota kon yang bapake bukan depe pajabat, tapi orang laen. Depe hebat lagi, sarta somo dekat pansiun, somulai lagi mo baku rebe mo baswastakan oto plat merah. Mustinya, kalu so pansiun, te usah lagi dikase oto dinas yang mo dikase swasta, karna waktu jadi pajabat, so pe banyak skali ini fasilitas yang negara ada kase. Coba kalu memang mo suka bapake oto turus-turus tiap jam, atau mo dipake bapontar-pontar sampe subuh, babili sandiri oto. Yakin saja, om susupo deng orang laen, te mungkin sewot baliat oto pribadi yang dipake sambarangan. Tapi kalu so oto plat merah yang dibawa buat samua urusan, termasuk pigi ka kobon atau pigi olahraga, kan so jadi garaap juga. Mo suka bagaya, supaya dibilangnya orang ada oto, tapi yang dipake bagaya oto plat merah. Biar mo ba stel bagimana, kalu oto plat merah, tatap orang tau, rakyat yang bili akan…Jadi, te usahjo basanang deng oto dinas kasian…**
Cuma Joko Widodo memang laen dibanding pajabat yang laen. Kalu yang biasa om susupo liat, justru rupa mo baku rampas deng oto dinas. Kalu dikase oto dinas yang depe model deng depe kemampuan kacili, ebee te lama somo minta baganti. Depe garaap, ada yang bapake perbandingan di daerah laen yang depe pajabat bapake oto yang lebeh mahal. So disini depe hebat, te ada yang bapake perbandingan sama itu Jokowi. Banyak yang justru baliat contoh di daerah laen yang depe oto dinas banyak skali.
Om susupo pikir, wajar kalu pajabat dikase oto dinas buat bakase lancar dorang pe urusan. Tapi itu oto dinas, dikase bukan buat bakase sanang pajabat, apalagi ada yang sampe depe istri, depe anak, depe kaluarga, so baku ikot merasa sebagai tuannya itu oto dinas. Padahal, itu oto dinas, buat pajabat supaya bakase lancar depe tugas ba urus rakyat, bukan dibili buat bakase sanang depe kaluarga.
Om susupo bukan sirik, karna om susupo memang bukan pajabat. Cuma coba sadar kasian ini pajabat, kalu kira-kira so bukan jam kantor, te usah lagi itu oto dinas kasana-kamari, ada yang singgah di took balanja, ada yang singgah di Lalong, ada yang ka keles, ada juga yang kaliatan taputar-putar di kota kon yang bapake bukan depe pajabat, tapi orang laen. Depe hebat lagi, sarta somo dekat pansiun, somulai lagi mo baku rebe mo baswastakan oto plat merah. Mustinya, kalu so pansiun, te usah lagi dikase oto dinas yang mo dikase swasta, karna waktu jadi pajabat, so pe banyak skali ini fasilitas yang negara ada kase. Coba kalu memang mo suka bapake oto turus-turus tiap jam, atau mo dipake bapontar-pontar sampe subuh, babili sandiri oto. Yakin saja, om susupo deng orang laen, te mungkin sewot baliat oto pribadi yang dipake sambarangan. Tapi kalu so oto plat merah yang dibawa buat samua urusan, termasuk pigi ka kobon atau pigi olahraga, kan so jadi garaap juga. Mo suka bagaya, supaya dibilangnya orang ada oto, tapi yang dipake bagaya oto plat merah. Biar mo ba stel bagimana, kalu oto plat merah, tatap orang tau, rakyat yang bili akan…Jadi, te usahjo basanang deng oto dinas kasian…**
