Om susupo takaget juga waktu badengar itu katua dewan kamarin, mendadak langsung baminta supaya ini Badan Kehormatan rajin ba absent itu anggota dewan, supaya ditau sapa yang rajin deng sapa yang pamalas. Dia juga ada bakase ingat soal pimpinan yang ada hak batentuan sesuatu, mo bakase sama depe anggota atau tidak. Berarti memang ada yang pamalas hadir barangkali.
Om susupo tantu stuju deng ini katua dewan pe bakase ingat. Memang ini anggota dewan, musti dikase ingat, kalu dorang pe tugas itu jadi wakilnya rakyat, jadi musti rajin. Kalu wakil rakyat kon pamalas, baru so bagimana deng itu depe tugas mo jadi tukang basuara akan rakyat pe kapantingan. Karna skarang ini saja, ada yang memang rajin datang, tapi tatap te mampu basuara akan rakyat pe kapantingan. Kalu cuma bacarita diluar rapat, tatap jago kaliatan, tapi sarta so rapat, ada yang kaliatan rupa so jadi wowo, hele mo kase hidup depe mike barangkali so te tau atau so lupa depe cara.
Yang bikin om susupo bingung, somo tiga taon lebeh dorang ada batugas, tapi kalu sampe skarang masih ada yang te tau bacarita di rapat-rapat resmi, tantu ada yang te beres. Yah, barangkali memang depe kamampuan yang kurang, atau barangkali memang te tau bacarita. Baru so bagimana deng ini rakyat pe nasib, kalu hele mo bacarita di rapat resmi kon so kalangkabut.
Cuma yang bikin heran juga, kalu so baku temu deng rakyat di luar kantor, biasa ada yang rupa so pe jago skali, rupa jadi tukang bawa aspirasi rakyat yang paling hebat di dewan, kon sampe ada yang mangaku-ngaku so baperjuangkan rakyat pe kapantingan. Bagimana mo berjuang buat rakyat, kalu hele bacarita di rapat resmi te pernah kaliatan atau te tau, padahal itu anggota dewan dipilih deng digaji, buat bacarita di rapat-rapat resmi. Jadi om susupo pikir, jang cuma yang pamalas hadir yang dicatatnya BK, kalu parlu coba liat di rapat-rapat, kalu ada anggota yang pamalas bicara, juga parlu dikase ingat, supaya rakyat yang bapilih te rugi.
Cuma yang bikin om susupo masih batanya-tanya, kira-kira ini kemampuannya BK juga so hebat skali. Jang sampe, ada anggota dewan di BK yang barangkali juga pamalas hadir-hadir, jang sampe juga, ada anggota dewan di BK yang juga masih te tau bacarita di rapat-rapat resmi. Om susupo parlu bakase ingat ini, supaya itu sikap rajin maso kantor, rajin ba ikot rapat, kon rajin basuara di rapat-rapat, mustinya dimulai dari anggota BK juga. Jang sampe, so BK sandiri yang juga parlu diawasinya rakyat atau lebeh parah, kalu BK juga yang diawasinya anggota dewan sandiri. Kan kalu bagini depe model, depe nama so buntal.
Yah, om susupo sebagai rakyat kacili, cuma mo baku kase ingat, supaya jang cuma mamangaku hebat sama rakyat pe muka, tapi te kaliatan itu kahebatan di rapat-rapat…**
Om susupo tantu stuju deng ini katua dewan pe bakase ingat. Memang ini anggota dewan, musti dikase ingat, kalu dorang pe tugas itu jadi wakilnya rakyat, jadi musti rajin. Kalu wakil rakyat kon pamalas, baru so bagimana deng itu depe tugas mo jadi tukang basuara akan rakyat pe kapantingan. Karna skarang ini saja, ada yang memang rajin datang, tapi tatap te mampu basuara akan rakyat pe kapantingan. Kalu cuma bacarita diluar rapat, tatap jago kaliatan, tapi sarta so rapat, ada yang kaliatan rupa so jadi wowo, hele mo kase hidup depe mike barangkali so te tau atau so lupa depe cara.
Yang bikin om susupo bingung, somo tiga taon lebeh dorang ada batugas, tapi kalu sampe skarang masih ada yang te tau bacarita di rapat-rapat resmi, tantu ada yang te beres. Yah, barangkali memang depe kamampuan yang kurang, atau barangkali memang te tau bacarita. Baru so bagimana deng ini rakyat pe nasib, kalu hele mo bacarita di rapat resmi kon so kalangkabut.
Cuma yang bikin heran juga, kalu so baku temu deng rakyat di luar kantor, biasa ada yang rupa so pe jago skali, rupa jadi tukang bawa aspirasi rakyat yang paling hebat di dewan, kon sampe ada yang mangaku-ngaku so baperjuangkan rakyat pe kapantingan. Bagimana mo berjuang buat rakyat, kalu hele bacarita di rapat resmi te pernah kaliatan atau te tau, padahal itu anggota dewan dipilih deng digaji, buat bacarita di rapat-rapat resmi. Jadi om susupo pikir, jang cuma yang pamalas hadir yang dicatatnya BK, kalu parlu coba liat di rapat-rapat, kalu ada anggota yang pamalas bicara, juga parlu dikase ingat, supaya rakyat yang bapilih te rugi.
Cuma yang bikin om susupo masih batanya-tanya, kira-kira ini kemampuannya BK juga so hebat skali. Jang sampe, ada anggota dewan di BK yang barangkali juga pamalas hadir-hadir, jang sampe juga, ada anggota dewan di BK yang juga masih te tau bacarita di rapat-rapat resmi. Om susupo parlu bakase ingat ini, supaya itu sikap rajin maso kantor, rajin ba ikot rapat, kon rajin basuara di rapat-rapat, mustinya dimulai dari anggota BK juga. Jang sampe, so BK sandiri yang juga parlu diawasinya rakyat atau lebeh parah, kalu BK juga yang diawasinya anggota dewan sandiri. Kan kalu bagini depe model, depe nama so buntal.
Yah, om susupo sebagai rakyat kacili, cuma mo baku kase ingat, supaya jang cuma mamangaku hebat sama rakyat pe muka, tapi te kaliatan itu kahebatan di rapat-rapat…**
