Kajadian kamarin di Dewan Banggai pas paripurna memang luar biasa. Itu penetapan APBD atau APBD Perubahan yang biasa bulat, ebee kamarin rupa jadi laen kaliatan. Tapi om susupo pikir, barangkali memang so disini depe menarik itu penampilannya anggota dewan. Bayangkan, kalu cuma mo manonton yang lebeh banyak babatariak stuju atau sekedar babilang lanjut jo, rupa te sadaap. Om susupo bisa babayangkan, kalu yang depe suara cuma abis di babilang stuju atau lanjut jo, barangkali perlu dites lagi depe kamampuan. Apalagi memang, sampe somo amper ampat taon ini dewan hasil Pemilu 2009 diresmikan, masih ada yang hele mo bacarita di rapat-rapat kacili, depe pamalu kaliatan skali, kon rupa te ada kualitas. Yah, kalu memang mangaku ada kualitas, mustinya kan kaliatan dari depe bacarita di forum resmi, mo rapat kacili atau rapat paripurna, pokoknya musti kaliatan depe pemikiran yang berpengaruh buat yang laen.
Tapi so itu, kalu baru babilang stuju atau lanjutjo yang dimampu, om susupo pikir, bukan cuma depe konstituen yang rugi bapilih, tapi hele itu mike yang dibili saja macam rugi skali ini daerah. Kan sayang juga, kalu itu mike di ruang rapat ada tasadia buat samua anggota, tapi yang pernah kaliatan manyala depe lampu mike, cuma ada barapa…Kan berarti rugi itu pengadaan.
Om susupo sandiri bukan mo baku persoalkan deng depe substansi yang jadi bahan baku bantah kamarin itu. Karna om susupo sandiri so sempat pusing juga baliat kalu somo baku klaim benar, kon ba anggap te ada yang salah deng itu proses yang dibikin sebelumnya. Om susupo sandiri kan sempat heran, so ada rapat babahas KUA-PPAS, tapi te pake pembukaan di paripurna. Te tau bagimana depe model, pokoknya sarta so ada itu dokumen KUA PPAS, so langsung dorang bahas, te pake paripurna buat badengar pengantarnya bupati. Kon depe aneh, depe paripurna penutupan justru dibikin.
Blum lagi itu pembahasan RAPBD Perubahan yang memang cuma dibikin barapa jam, so langsung abis depe sore. Tantu luar biasa juga, kalu babahas dokumen RAPBD Perubahan yang pe tabal skali, kon cuma makan waktu tiga jam, baru ada yang ba anggap so dibahas samua. Tapi sudah jo, so terjadi juga. Barangkali, yang kamarin-kamarin itu memang tinggal mo dibikin palajaran saja. Mudah-mudahan juga ada yang balajar dari pengalaman, supaya jang nanti baku bantah di paripurna, kon somo baku klaim yang paling butul, padahal orang laen juga ada liat-liat depe kajadian.
Om susupo pikir, barangkali memang parlu ada buku sejarah yang bacatat ini kajadian demi kajadian di dewan, supaya bisa dibikin buat palajaran di waktu-waktu yang akan datang, kon jang ta ulang-ulang turus itu sesuatu yang kalangkabut…**
Tapi so itu, kalu baru babilang stuju atau lanjutjo yang dimampu, om susupo pikir, bukan cuma depe konstituen yang rugi bapilih, tapi hele itu mike yang dibili saja macam rugi skali ini daerah. Kan sayang juga, kalu itu mike di ruang rapat ada tasadia buat samua anggota, tapi yang pernah kaliatan manyala depe lampu mike, cuma ada barapa…Kan berarti rugi itu pengadaan.
Om susupo sandiri bukan mo baku persoalkan deng depe substansi yang jadi bahan baku bantah kamarin itu. Karna om susupo sandiri so sempat pusing juga baliat kalu somo baku klaim benar, kon ba anggap te ada yang salah deng itu proses yang dibikin sebelumnya. Om susupo sandiri kan sempat heran, so ada rapat babahas KUA-PPAS, tapi te pake pembukaan di paripurna. Te tau bagimana depe model, pokoknya sarta so ada itu dokumen KUA PPAS, so langsung dorang bahas, te pake paripurna buat badengar pengantarnya bupati. Kon depe aneh, depe paripurna penutupan justru dibikin.
Blum lagi itu pembahasan RAPBD Perubahan yang memang cuma dibikin barapa jam, so langsung abis depe sore. Tantu luar biasa juga, kalu babahas dokumen RAPBD Perubahan yang pe tabal skali, kon cuma makan waktu tiga jam, baru ada yang ba anggap so dibahas samua. Tapi sudah jo, so terjadi juga. Barangkali, yang kamarin-kamarin itu memang tinggal mo dibikin palajaran saja. Mudah-mudahan juga ada yang balajar dari pengalaman, supaya jang nanti baku bantah di paripurna, kon somo baku klaim yang paling butul, padahal orang laen juga ada liat-liat depe kajadian.
Om susupo pikir, barangkali memang parlu ada buku sejarah yang bacatat ini kajadian demi kajadian di dewan, supaya bisa dibikin buat palajaran di waktu-waktu yang akan datang, kon jang ta ulang-ulang turus itu sesuatu yang kalangkabut…**
