Om susupo salut deng ini pak bupati yang akhirnya batempatkan itu barapa pagawe yang ada dikase turun eselon atau te badapat tampat dipelantikan lalu. Skarang ini, itu barapa pagawe yang sempat bagugat bupati, so dikase kadudukan ulang. Macam yang pernah jadi camat, so taduduk ulang jadi camat, kandati di kecamatan baru yang sampe skarang blum ditau depe kantor dimana. Om susupo pikir, pokoknya jadi camat ulang, karna kalu cuma soal kantor, manumpang dibalai desa juga bisa, yang penting so jadi ulang camat…
Om susupo stuju deng bupati, yang akhirnya bapake itu pagawe-pagawe yang sempat bagugat dia. Ini tantu luar biasa, orang yang pernah bagugat, so tapake ulang, kon dikase tampat yang sama deng sebelumnya depe tingkat.
Bagitu juga deng langkahnya bupati yang ada balantik itu pajabat eselon dua, om susupo salut skali. Apalagi kan ada yang dilantik jadi kapala dinas, padahal dulu pernah jadi saingan politik di Pilkada. Sodisini sikap kenegarawananya bupati, yang tatap bapake pagawe potensial, kandati pernah sama-sama baku saing di Pilkada.
Cuma tatap ada yang om susupo anggap parlu disorot. Yah, ada yang tatap dilantik, kandati sebenarnya ada depe masalah hukum yang musti dia konsen akan. Memang blum ada putusan tatapnya hakim, tapi kan skarang ada tasangkot hukum, kon sementara disidang. Apalagi depe kasus, ada takait deng soal minyak tanah, sampe-sampe depe oto dinas yang pe gagah skali, sempat ditahannya polisi juga. Om susupo juga tau, itu kasus blum ada depe kaputusan tatap. Cuma so itu tadi, om susupo pikir, barangkali ada lebeh bae kalu yang ada kasus yang dia musti urus bae-bae, lebeh jang dulu dipromosi ka jabatan laen. Barangkali, ada lebeh bagus kalu dikase biar dia baku urus deng depe masalah hukum dulu, kon kalu memang itu hakim baputus bebas, yah tinggal dicari akan posisi yang pas, baru dikase aktif. Om susupo juga tau, itu soal bakase jabatan, kewenangannya bupati, karna dia yang bapake. Tapi kalu kira-kira masih ada yang te tasangkot deng kasus hukum, te baku sibuk deng soal sidang di pengadilan, te tasangkot deng soal depe jabatan, kan barangkali yang babagitu itu yang bagus dikase posisi.
Cuma kalu memang bupati so anggap te ada masalah, biar terdakwa dikase jabatan, yah mo di apa lagi. Kan memang blum ada depe kaputusan hukum yang so tatap. Om susupo juga mangarti, balantik pajabat memang so jadi haknya bupati. Apalagi kalu te ada pagawe laen yang lebeh baku pas deng itu jabatan, tantu so pasti bisa dimangarti, kalu yang ada baku urus deng masalah, tapi tatap dikase promosi…Om susupo juga akan pikir, te ada masalah kalu bagitu…**
Om susupo stuju deng bupati, yang akhirnya bapake itu pagawe-pagawe yang sempat bagugat dia. Ini tantu luar biasa, orang yang pernah bagugat, so tapake ulang, kon dikase tampat yang sama deng sebelumnya depe tingkat.
Bagitu juga deng langkahnya bupati yang ada balantik itu pajabat eselon dua, om susupo salut skali. Apalagi kan ada yang dilantik jadi kapala dinas, padahal dulu pernah jadi saingan politik di Pilkada. Sodisini sikap kenegarawananya bupati, yang tatap bapake pagawe potensial, kandati pernah sama-sama baku saing di Pilkada.
Cuma tatap ada yang om susupo anggap parlu disorot. Yah, ada yang tatap dilantik, kandati sebenarnya ada depe masalah hukum yang musti dia konsen akan. Memang blum ada putusan tatapnya hakim, tapi kan skarang ada tasangkot hukum, kon sementara disidang. Apalagi depe kasus, ada takait deng soal minyak tanah, sampe-sampe depe oto dinas yang pe gagah skali, sempat ditahannya polisi juga. Om susupo juga tau, itu kasus blum ada depe kaputusan tatap. Cuma so itu tadi, om susupo pikir, barangkali ada lebeh bae kalu yang ada kasus yang dia musti urus bae-bae, lebeh jang dulu dipromosi ka jabatan laen. Barangkali, ada lebeh bagus kalu dikase biar dia baku urus deng depe masalah hukum dulu, kon kalu memang itu hakim baputus bebas, yah tinggal dicari akan posisi yang pas, baru dikase aktif. Om susupo juga tau, itu soal bakase jabatan, kewenangannya bupati, karna dia yang bapake. Tapi kalu kira-kira masih ada yang te tasangkot deng kasus hukum, te baku sibuk deng soal sidang di pengadilan, te tasangkot deng soal depe jabatan, kan barangkali yang babagitu itu yang bagus dikase posisi.
Cuma kalu memang bupati so anggap te ada masalah, biar terdakwa dikase jabatan, yah mo di apa lagi. Kan memang blum ada depe kaputusan hukum yang so tatap. Om susupo juga mangarti, balantik pajabat memang so jadi haknya bupati. Apalagi kalu te ada pagawe laen yang lebeh baku pas deng itu jabatan, tantu so pasti bisa dimangarti, kalu yang ada baku urus deng masalah, tapi tatap dikase promosi…Om susupo juga akan pikir, te ada masalah kalu bagitu…**
