Amper hari-hari ini pajabat di pusat sampe daerah selalu babilang, kalu ini kondisi hutan di Indonesia so kasian skali, pokoknu so memprihatinkan. Cuma so itu, biar samua ada babilang bagitu, tapi ini kagiatan batabang kayu illegal rupa te abis-abis. Om susupo memang heran juga baliat ini kondisi, karna yang biasa tatangkap, cuma depe kayu, baru depe orang so te tau kamana.
Depe ajaib, ini kayu ada didapat, tapi depe orang rupa pe susah skali mo dicari. Kon depe ujung-ujung, akhirnya muncul itu status andalan, kayu temuan. Om susupo bapikir, ini badapat kayu illegal,so rupa deng badapat doi logam satu biji di jalan, karna sama-sama dibilang temuan, sebab depe tuan te ditau sapa.
Om susupi rasa, kalu memang mo ba usut butul-butul ini kayu illegal, coba karja bae-bae. Kalu cuma depe kayu yang didapat turus, so pasti depe orang masih kasana-kamari, kon ada batabang lagi di tampat laen. Yang bikin heran, biasa ada kayu yang ditangkap di atas oto, tapi cuma dianggap kayu temuan, kon depe sopir dikase biar saja. Bagitu juga deng itu kayu yang ditangkap di atas kapal, cuma depe kayu yang diambe, baru depe kapal yang bamuat so dikase biar. Mustinya sapa yang babawa itu kayu-kayu, mo sopir atau nahkodanya kapal, dipareksa dulu, kon suruh dorang mangaku, sapa depe tuan itu kayu. Kan te mungkin juga te ada yang basuruh muat sama dorang. Kalu dorang te mo mangaku, yah mustinya anggap saja so dorang depe tuan, karna dorang yang ada kadapatan babawa itu kayu illegal.
Kalu itu sopir truk atau nahkoda kapal yang dibikin jadi tersangka, so pasti dorang akhirnya mangaku sapa depe tuan itu kayu, daripada dorang yang akhirnya tababut kon maso panjara. Cuma memang yang bikin heran, te tau kanapa, kon akhirnya cuma depe kayu yang didapat turus, baru deng gampang dibilang jadi kayu temuan. Om susupo cuma mo kase ingat, kira-kira memang torang ini masih serius mo bakase bae ini hutan, supaya jang sambarangan dicurinya orang depe hasil, atau barangkali asal bikin tindakan saja, kon depe ujung-ujung cuma depe kayu yang disita.
Kan mustinya, te usah dibikin susah ini ba atasi kayu illegal, karna te mungkin itu kayu-kayu illegal ada nae di oto truk atau nae di kapal sandiri. So pasti ada yang bakase nae. Jadi kalu so te ada yang mo mangaku depe tuan, yah itu tuannya oto saja atau tuan kapal yang dibikin jadi tersangka.
Baru, om susupo juga mo kase ingat ini patugas kahutanan, coba rajin-rajin maso kaluar hutan, buat ba awasi itu hutan supaya jang sambarangan orang tabang depe pohon. Parcaya saja, kalu rajin maso kaluar hutan, pasti babadengar suara sensor yang ada manyala kon sementara dipake batabang kayu. Kalu memang ada badengar sensor, tinggal pigi tanya saja sama itu tukang sensor, dorang ada izin atau tidak, kon sapa dorang pe juragan yang basuruh batabang. Kalu dorang te mo mangaku, kon dorang memang te ada izin, yah berarti so dorang itu yang musti dijerat deng hukum. Cuma memang, ba urus soal pamain kayu, orang bilang memang repot, karna ini pamain kayu illegal, biasa memang so bakase siap depe sagala rupa buat bahadapi samua kemungkinan…**
Depe ajaib, ini kayu ada didapat, tapi depe orang rupa pe susah skali mo dicari. Kon depe ujung-ujung, akhirnya muncul itu status andalan, kayu temuan. Om susupo bapikir, ini badapat kayu illegal,so rupa deng badapat doi logam satu biji di jalan, karna sama-sama dibilang temuan, sebab depe tuan te ditau sapa.
Om susupi rasa, kalu memang mo ba usut butul-butul ini kayu illegal, coba karja bae-bae. Kalu cuma depe kayu yang didapat turus, so pasti depe orang masih kasana-kamari, kon ada batabang lagi di tampat laen. Yang bikin heran, biasa ada kayu yang ditangkap di atas oto, tapi cuma dianggap kayu temuan, kon depe sopir dikase biar saja. Bagitu juga deng itu kayu yang ditangkap di atas kapal, cuma depe kayu yang diambe, baru depe kapal yang bamuat so dikase biar. Mustinya sapa yang babawa itu kayu-kayu, mo sopir atau nahkodanya kapal, dipareksa dulu, kon suruh dorang mangaku, sapa depe tuan itu kayu. Kan te mungkin juga te ada yang basuruh muat sama dorang. Kalu dorang te mo mangaku, yah mustinya anggap saja so dorang depe tuan, karna dorang yang ada kadapatan babawa itu kayu illegal.
Kalu itu sopir truk atau nahkoda kapal yang dibikin jadi tersangka, so pasti dorang akhirnya mangaku sapa depe tuan itu kayu, daripada dorang yang akhirnya tababut kon maso panjara. Cuma memang yang bikin heran, te tau kanapa, kon akhirnya cuma depe kayu yang didapat turus, baru deng gampang dibilang jadi kayu temuan. Om susupo cuma mo kase ingat, kira-kira memang torang ini masih serius mo bakase bae ini hutan, supaya jang sambarangan dicurinya orang depe hasil, atau barangkali asal bikin tindakan saja, kon depe ujung-ujung cuma depe kayu yang disita.
Kan mustinya, te usah dibikin susah ini ba atasi kayu illegal, karna te mungkin itu kayu-kayu illegal ada nae di oto truk atau nae di kapal sandiri. So pasti ada yang bakase nae. Jadi kalu so te ada yang mo mangaku depe tuan, yah itu tuannya oto saja atau tuan kapal yang dibikin jadi tersangka.
Baru, om susupo juga mo kase ingat ini patugas kahutanan, coba rajin-rajin maso kaluar hutan, buat ba awasi itu hutan supaya jang sambarangan orang tabang depe pohon. Parcaya saja, kalu rajin maso kaluar hutan, pasti babadengar suara sensor yang ada manyala kon sementara dipake batabang kayu. Kalu memang ada badengar sensor, tinggal pigi tanya saja sama itu tukang sensor, dorang ada izin atau tidak, kon sapa dorang pe juragan yang basuruh batabang. Kalu dorang te mo mangaku, kon dorang memang te ada izin, yah berarti so dorang itu yang musti dijerat deng hukum. Cuma memang, ba urus soal pamain kayu, orang bilang memang repot, karna ini pamain kayu illegal, biasa memang so bakase siap depe sagala rupa buat bahadapi samua kemungkinan…**
