Om susupo kaget juga, waktu bupati ada babilang di paripurna dewan, kalu ada kesalahan staf, berarti salahnya dia. Memang bagus juga kalu ada pimpinan yang bagitu itu, karna memang itu anak buah kan ada dibawahnya pimpinan. Yah, biar ini cuma soal te tasadianya doi buat ba bahas itu Raperda yang dikasenya pamarentah ka dewan, tapi tantu jadi palajaran, kalu pakarjaannya staf memang parlu diawasi, supaya jang te beres.
Om susupo bapikir, kalu memang bupati so bilang bagitu, tantu te boleh cuma soal mo baku tanggung deng depe salah. Yang penting om susupo piker, mustinya ada tindakannya bupati sama depe staf, supaya jang bakarja asal jadi.
Memang sebagai manusia, te ada yang sempurna. Pasti tatap ada depe salah, depe khilaf depe te sempurna. Cuma kan kalu boleh, itu tingkat kesalahan dikase kacili tiap taon. Apalagi kalu cma soal mo bakase sadia akan doi buat satu program. Kan jadi te maso akal juga, ada babikin Raperda kon so dibawa ka dewan, tapi depe anggaran te disadia akan. Padahal mustinya kan dorang di pamarentahan so paham skali, kalu so ada depe aturan yang bakase wajib babikin akan itu naskah akademik buat Raperda, kacuali Raperda soal anggaran. Jadi kalu so tau bagitu, mustinya ini bagian yang baba urus soal Raperda, so hafal pasti depe tahap deng depe monjit barapa. Kan mustinya so te parlu ditanyanya dewan lagi depe doi, karn pamarentah so musti tau, ada depe tahap kalu mo babikin Perda, kon ada depe naskah akademik yang musti dikarja akannya perguruan tinggi. Baru kalu perguruan tinggi yang karj, kon te pake doi, mo jadi apa kira-kira itu Raperda.
Haa, om susupo sandiri bapikir, ini bupati so boleh bacari staf yang lebeh bagus buat babantu depe tugas. Kan dengar-dengar ini pagawe pe jumlah amper sambilan ribu orang. Te mungkin diantara sambilan ribu orang itu, kon te ada yang jago, baru pang ingat samua tahapannya program.
Jadi, soboleh ganti kasana itu staf yang kira-kira depe ingatan cuma soal depe doi perjalanan dinas sandiri, cuma soal depe program sandiri, atau cuma soal depe tunjangan sandiri. Angkat kasana itu pagawe yang hebat, yang tau kalu depe tugas, mo babikin ini program buat kapantingannya daerah, bukan hanya buat depe diri sandiri… Yah, supaya ini bupati jang talalo sering dibikin kalangkabutnya anak buah, cuma gara-gara dokumen yang depe isi juga kalangkabut…**
Om susupo bapikir, kalu memang bupati so bilang bagitu, tantu te boleh cuma soal mo baku tanggung deng depe salah. Yang penting om susupo piker, mustinya ada tindakannya bupati sama depe staf, supaya jang bakarja asal jadi.
Memang sebagai manusia, te ada yang sempurna. Pasti tatap ada depe salah, depe khilaf depe te sempurna. Cuma kan kalu boleh, itu tingkat kesalahan dikase kacili tiap taon. Apalagi kalu cma soal mo bakase sadia akan doi buat satu program. Kan jadi te maso akal juga, ada babikin Raperda kon so dibawa ka dewan, tapi depe anggaran te disadia akan. Padahal mustinya kan dorang di pamarentahan so paham skali, kalu so ada depe aturan yang bakase wajib babikin akan itu naskah akademik buat Raperda, kacuali Raperda soal anggaran. Jadi kalu so tau bagitu, mustinya ini bagian yang baba urus soal Raperda, so hafal pasti depe tahap deng depe monjit barapa. Kan mustinya so te parlu ditanyanya dewan lagi depe doi, karn pamarentah so musti tau, ada depe tahap kalu mo babikin Perda, kon ada depe naskah akademik yang musti dikarja akannya perguruan tinggi. Baru kalu perguruan tinggi yang karj, kon te pake doi, mo jadi apa kira-kira itu Raperda.
Haa, om susupo sandiri bapikir, ini bupati so boleh bacari staf yang lebeh bagus buat babantu depe tugas. Kan dengar-dengar ini pagawe pe jumlah amper sambilan ribu orang. Te mungkin diantara sambilan ribu orang itu, kon te ada yang jago, baru pang ingat samua tahapannya program.
Jadi, soboleh ganti kasana itu staf yang kira-kira depe ingatan cuma soal depe doi perjalanan dinas sandiri, cuma soal depe program sandiri, atau cuma soal depe tunjangan sandiri. Angkat kasana itu pagawe yang hebat, yang tau kalu depe tugas, mo babikin ini program buat kapantingannya daerah, bukan hanya buat depe diri sandiri… Yah, supaya ini bupati jang talalo sering dibikin kalangkabutnya anak buah, cuma gara-gara dokumen yang depe isi juga kalangkabut…**
