Waktu badengar itu soal kasus pante Maahas yang kabarnya so ada yang baku jual laut deng pante, kon itu wakil rakyat ada babikin pansus lengkap deng depe hak angket, om susupo langsung bapikir ini masalah somo tuntas.Kalu itu pansus yang kamarin-kamarin memang dianggap te mampu babongkar abis itu masalah, kon masih ada yang blum dipangge-pangge, ada juga yang so datang bakase depe keterangan, tapi juga blum talalo lengkap, deng itu pansus angket barangkali samua somo jelas.
Cuma yang om susupo heran akan, rupa so pe lama skali itu pansus deng depe hak angket dibikin diparipurna, tapi sampe skarang blum jelas depe karja.
Om susupo bapikir, kira-kira ini pansus yang so dikase senjata baru memang masih mo karja atau so bagimana depe kalanjutan. Memang om susupo tau itu masalah te basi, cuma kalu so talalo lama, so talalo tatunda-tunda, om susupo somo kwatir, itu kasus somo maso angin, kon akhirnya so malayang kasana kamari.
Tagal itu, om susupo rasa parlu juga kalu ini dewan mulai bapikir akan ulang itu masalah, supaya capat ditau juga, memang ada pante yang dijual atau tidak, memang ada laut yang so di kuasainya orang atau tidak. Jang sampe cuma mo abis dicarita turus-turus, baru depe kabar pasti so te jelas.
Yang bikin om susupo kwatir, kan so te lama lagi ini dewan somo babahas ini masalah doi daerah yang mo dipake buat taon depan. Kalu so mulai lagi ba urus soal doi daerah, biasa urusan laen somo jadi tabiar-biar, kon akhirnya ilang tatiup angin. Karna slama ini om susupo ada liat, kalu soal doi daerah yang ada dibahas, ini masalah laen rupa so talupa. Samua anggota dewan so lebeh tasibuk deng urusan doi daerah. Yah,namanya ba urus doi daerah, memang bukan cuma karna lebeh penting, tapi banyak yang bilang memang karna ba urus doi itu manis skali. Tagal itu, urusan laen, apalagi kalu dianggap baraat, biasanya talupa, kalu so urusan doi yang dibaku sibuk akan.
Om susupo cuma mo kase ingat ini, supaya te ada urusan yang tagantong depe jalan carita, kon orang bilang cuma ta urus stengah-stengah, coba mulai liat ulang kasana itu kasus pante Maahas, supaya ditau depe carita akhir. Om susupo pe guru seni pernah babilang, supaya ditau depe ending, mo jadi happy ending atau mo kalangkabut, bagitu kira-kira.
Om susupo juga tau, ini anggota dewan pe kasibukan memang banyak skali, cuma jang juga karna sibuk, baru somo talupa itu masalah pante. Jang sampe juga, itu kasus pante Maahas, somo tabawa ombak di Maahas yang kancang skali, kon lantaran depe kancang, babikin rusak tanggul-tanggul Maahas…**
Cuma yang om susupo heran akan, rupa so pe lama skali itu pansus deng depe hak angket dibikin diparipurna, tapi sampe skarang blum jelas depe karja.
Om susupo bapikir, kira-kira ini pansus yang so dikase senjata baru memang masih mo karja atau so bagimana depe kalanjutan. Memang om susupo tau itu masalah te basi, cuma kalu so talalo lama, so talalo tatunda-tunda, om susupo somo kwatir, itu kasus somo maso angin, kon akhirnya so malayang kasana kamari.
Tagal itu, om susupo rasa parlu juga kalu ini dewan mulai bapikir akan ulang itu masalah, supaya capat ditau juga, memang ada pante yang dijual atau tidak, memang ada laut yang so di kuasainya orang atau tidak. Jang sampe cuma mo abis dicarita turus-turus, baru depe kabar pasti so te jelas.
Yang bikin om susupo kwatir, kan so te lama lagi ini dewan somo babahas ini masalah doi daerah yang mo dipake buat taon depan. Kalu so mulai lagi ba urus soal doi daerah, biasa urusan laen somo jadi tabiar-biar, kon akhirnya ilang tatiup angin. Karna slama ini om susupo ada liat, kalu soal doi daerah yang ada dibahas, ini masalah laen rupa so talupa. Samua anggota dewan so lebeh tasibuk deng urusan doi daerah. Yah,namanya ba urus doi daerah, memang bukan cuma karna lebeh penting, tapi banyak yang bilang memang karna ba urus doi itu manis skali. Tagal itu, urusan laen, apalagi kalu dianggap baraat, biasanya talupa, kalu so urusan doi yang dibaku sibuk akan.
Om susupo cuma mo kase ingat ini, supaya te ada urusan yang tagantong depe jalan carita, kon orang bilang cuma ta urus stengah-stengah, coba mulai liat ulang kasana itu kasus pante Maahas, supaya ditau depe carita akhir. Om susupo pe guru seni pernah babilang, supaya ditau depe ending, mo jadi happy ending atau mo kalangkabut, bagitu kira-kira.
Om susupo juga tau, ini anggota dewan pe kasibukan memang banyak skali, cuma jang juga karna sibuk, baru somo talupa itu masalah pante. Jang sampe juga, itu kasus pante Maahas, somo tabawa ombak di Maahas yang kancang skali, kon lantaran depe kancang, babikin rusak tanggul-tanggul Maahas…**
