Ini carita soal putusan PTUN ternyata blum abis-abis, karna om susupo dengar, ini bupati pe tim so ada ka Makassar mo badaftar itu banding. Yah, om susupo pikir, karna memang so bagitu depe proses hukum, mo di apa lagi. Barangkali bagus juga kalu ada depe baku banding, supaya samua puas so ba ikot proses hukum. Apalagi om susupo dengar kabar, ada yang babikin penilaian, kalu itu hakim di PTUN Palu kurang cermat, jadi dorang kase kalah ini bupati yang babikin kaputusan pelantikan pajabat. Om susupo yang cuma mangarti hukum sapanggal-sapanggal, sampe bapikir karaas. Bayangkan, kalu ini hakim di PTUN Palu so dibilang kurang cermat. Om susupo sempat batanya dalam hati, kira-kira te tasalah itu anggapan, jang-jang memang karna te mampu bakase menang, jadi so babikin anggapan sagala rupa. Tapi yah sudahmo, depe nama saja ada yang puas kon ada yang te puas deng itu putusan, yah so bagitu depe penilaian, pasti macam-macam juga.
Sebenarnya yang om susupo bapikir akan ini, soal depe doi yang mo dipake ba baurus itu proses hukum mulai dari Palu sampe Makassar. Kalu itu pagawe yang jadi penggugat, so pasti bapake doinya dorang sandiri. Atau so paling top, ada yang barangkali kasian kon pigi baku bantu babasumbang akan, biar cuma mo pake buat ongkos makan di Padapu.
Yang jadi pikirannya om susupo, ini doi yang buat dipakenya tim Pemda. Yah memang yang digugat itu kan kaputusannya pamarentah, jadi so pasti bisa bapake doi daerah. Cuma om susupo yang te mangarti deng ini sagala rupa proses hukum, ada menghayal, kalu masih panjang depe proses hukum, umpamanya abis di Makassar, baru turus di Jakarta lagi, so pasti makin banyak doi yang tapake. Kalu doi sandiri yang tapake, biar mo baku proses hukum sampe di mana saja, kandati sampe di pengadilan Mahkamah Internasional di Den Hag sana, so pasti te mungkin mo dibicarakannya rakyat. Tapi kalu yang barangkali tapake, doi daerah atau doi rakyat, barangkali musti dipikir-pikir ulang itu proses hukum. Karna kalu doi rakyat yang ada tapake buat proses hukum yang pe panjang skali, padahal itu kaputusannya pajabat, baru apa depe untung buat rakyat. Om susupo sebagai orang kacili, mangarti juga kalu pajabat pamarentah memang bisa bapake doi rakyat buat mo baku proses hukum, kalu yang digugat itu pamarentah. Tapi mustinya dipikir-pikir juga, kan ini pamarentah salalu mangaku kalu doi daerah yang tasadia buat mo bangun sagala rupa, kurang skali. Jang heran, kalu ini usulannya rakyat pe banyak yang cuma tasimpan jadi usulan turus, karna memang ini doi daerah atau doi rakyat itu te cukup. Apalagi kebanyakan doi rakyat memang tapake buat babayar gajinya pagawe deng sagala rupa kaparluannya pamarentah.
Om susupo pikir-pikir, barangkali kalu bisa, kalu memang itu proses hukum bapake doi rakyat, barangkali biar te usahjo baku banding lagi. Kan te ada yang mo bacambok juga, kalu itu putusan PTUN te dikase bajalannya pamarentah. Yah, supaya bisa bahemat doi rakyat, barangkali om susupo pikir, te usah lagi mo baku nae banding. Tapi kalu memang itu proses hukum, te bapake doinya rakyat, yah terserah, kandati baku lawan sampe di pengadilan internasional.
Om susupo bapikir bagini, cuma karna mo baku ingat deng ini doi rakyat yang memang salalu te cukup buat kaparluannya rakyat. Jang sampe ada anggapan, kalu buat kaparluannya pamarentah, barapapun salalu cukup...**
Sebenarnya yang om susupo bapikir akan ini, soal depe doi yang mo dipake ba baurus itu proses hukum mulai dari Palu sampe Makassar. Kalu itu pagawe yang jadi penggugat, so pasti bapake doinya dorang sandiri. Atau so paling top, ada yang barangkali kasian kon pigi baku bantu babasumbang akan, biar cuma mo pake buat ongkos makan di Padapu.
Yang jadi pikirannya om susupo, ini doi yang buat dipakenya tim Pemda. Yah memang yang digugat itu kan kaputusannya pamarentah, jadi so pasti bisa bapake doi daerah. Cuma om susupo yang te mangarti deng ini sagala rupa proses hukum, ada menghayal, kalu masih panjang depe proses hukum, umpamanya abis di Makassar, baru turus di Jakarta lagi, so pasti makin banyak doi yang tapake. Kalu doi sandiri yang tapake, biar mo baku proses hukum sampe di mana saja, kandati sampe di pengadilan Mahkamah Internasional di Den Hag sana, so pasti te mungkin mo dibicarakannya rakyat. Tapi kalu yang barangkali tapake, doi daerah atau doi rakyat, barangkali musti dipikir-pikir ulang itu proses hukum. Karna kalu doi rakyat yang ada tapake buat proses hukum yang pe panjang skali, padahal itu kaputusannya pajabat, baru apa depe untung buat rakyat. Om susupo sebagai orang kacili, mangarti juga kalu pajabat pamarentah memang bisa bapake doi rakyat buat mo baku proses hukum, kalu yang digugat itu pamarentah. Tapi mustinya dipikir-pikir juga, kan ini pamarentah salalu mangaku kalu doi daerah yang tasadia buat mo bangun sagala rupa, kurang skali. Jang heran, kalu ini usulannya rakyat pe banyak yang cuma tasimpan jadi usulan turus, karna memang ini doi daerah atau doi rakyat itu te cukup. Apalagi kebanyakan doi rakyat memang tapake buat babayar gajinya pagawe deng sagala rupa kaparluannya pamarentah.
Om susupo pikir-pikir, barangkali kalu bisa, kalu memang itu proses hukum bapake doi rakyat, barangkali biar te usahjo baku banding lagi. Kan te ada yang mo bacambok juga, kalu itu putusan PTUN te dikase bajalannya pamarentah. Yah, supaya bisa bahemat doi rakyat, barangkali om susupo pikir, te usah lagi mo baku nae banding. Tapi kalu memang itu proses hukum, te bapake doinya rakyat, yah terserah, kandati baku lawan sampe di pengadilan internasional.
Om susupo bapikir bagini, cuma karna mo baku ingat deng ini doi rakyat yang memang salalu te cukup buat kaparluannya rakyat. Jang sampe ada anggapan, kalu buat kaparluannya pamarentah, barapapun salalu cukup...**
