Om susupo salut deng ini perwiranya Polri yang capat butul ba ambe tindakan. Om susupo pikir, ini pikirannya perwira tinggi memang luar biasa, sampe-sampe dorang capat bertindak.
Om susupo cuma mo baku kase ingat, soal dukung mendukung atau tolak menolak, jang sampe depe efek ini Luwuk yang jadi te bagus. Om susupo biar cuma skolah kede-kede, tapi yang om susupo paham, ini jabatan kan memang so jadi amananya Tuhan lewat atasan. Tagal itu, soal dikase jabatan, atau itu jabatan diambe ulang, lebeh bae ditanggapi deng kapala dingin. Om susupo tau, memang jadi hak juga buat mo suka atau mo sayang sama satu orang.
Om susupo cuma mo baku kase ingat, soal dukung mendukung atau tolak menolak, jang sampe depe efek ini Luwuk yang jadi te bagus. Om susupo biar cuma skolah kede-kede, tapi yang om susupo paham, ini jabatan kan memang so jadi amananya Tuhan lewat atasan. Tagal itu, soal dikase jabatan, atau itu jabatan diambe ulang, lebeh bae ditanggapi deng kapala dingin. Om susupo tau, memang jadi hak juga buat mo suka atau mo sayang sama satu orang.
Tapi jang sampe, depe efek torang di daerah yang baribut. Tagal itu, om susupo mo bapangge torang samua, supaya lebeh bae dengar saja apa yang itu atasanya pajabat so bilang, karna soal jabatan orang di institusinya orang, memang dorang di institusi itu sandiri yang menentukan. Yah, torang sebagai rakyat, kon torang juga sebagai orang luar, cuma bisa ba usul. Jadi, kalu soal depe atasan so ambe tindakan, yah lebeh torang dengar saja. Om susupo bukan mo baku ikot deng aksi warga. Cuma om susupo kan ada badengar langsung itu pernyataannya depe atasan. Tantu depe atasan so pikir-pikir deng masak, jadi dorang pe kaputusan, tantu so itu yang mungkin paling bae buat dorang pe institusi. Skali lagi, om susupo cuma mo baku pangge sama samua orang Luwuk, supaya jaga kasian ini Luwuk, jaga kasian ini Kabupaten Banggai, jang cuma soal jabatan yang te takait deng torang secara langsung, baru torang yang akhirnya kalangkabut…**
