Ebee, Turun Jabatan ???
Ini putusan PTUN Palu soal gugatannya PNS sama itu SK Bupati, yang memang so lama ditunggu-tunggu, akhirnya turun juga kamarin. Om susupo kaget juga badengar kabar, itu hakim batarima gugatannya sambilan pagawe yang mangaku jadi korban, karna depe jabatan ta turun atau so ilang sama skali kon tinggal jadi pagawe biasa. Yah, om susupo pikir, ini hukum barangkali memang te pandang bulu. Tagal itu, biar kaputusannya bupati, kalu memang hakim bilang so tasalah, yah tatap juga dorang kase salah. Luar biasa juga ini hakim PTUN, karna sambilan pagawe yang bagugat akhirnya bisa banafas sanang, karna dorang pe perjuangan pake jalur hukum, so dikabulkan.
Om susupo bukan cuma takaget deng ini putusan, tapi juga so bingung sandiri bapikir akan depe sambungan. Bayangkan, kalu itu SKnya bupati dianggap tasalah, baru bagimana deng itu pajabat-pajabat yang so dilantik barapa bulan lalu. Padahal, itu pajabat yang dilantik, ada yang depe eselon so ta nae kon so badapat tampat yang lebeh tinggi. So pasti ini yang nae jabatan, so badapat juga gaji yang lebeh tinggi, kon sampe so banikmati sagala rupa fasilitasnya depe jabatan yang baru, termasuk dorang so pake-pake buat babajalan dinas.
Bukan cuma itu, dorang juga tantu so nae rang, karna so badapat tampat yang lebeh hebat dari dulu-dulu, karna ada yang dulu cuma sekretaris, kapala bidang atau kapala bagian, skarang so jadi kapala dinas atau kapala badan. Baru so bagimana kasian dorang itu, kalu dorang pe SK pengangkatan so dianggap cacat hukum. Om susupo sandiri yang bukan pajabat, sampe barasa gilii juga, kalu babayangkan ini nasib, so pernah nae jabatan, kon akhirnya disuruh turun ulang, karna depe SK so dianggap cacat hukum. kalu cuma soal depe doi deng sagala rupa fasilitas yang so dapat pake, kalu memang so musti dikase pulang, om susupo rasa masih bisa dikase pulang juga...kandati bacicil tantu...
Cuma yang jadi masalah basaar, mo taro dimana ini muka, kalu kamarin-kamarin so kasana kamari kon orang so tau so jadi kapala dinas atau kapala badan, baru mo disuruh turun ulang ka tampat yang dulu, karna depe SK cacat. Memang, kalu bupati mo pake, tatap juga bisa diangkat ulang. Tapi yang bikin kalangkabut ini perasaan, kan persoalan jabatan yang nae turun, parsis harga bawang di pasar. Kalu bawang, so tantu-tantu memang ada depe nae, kon ada depe turun, jadi so dianggap biasa. Tapi kalu jabatan, so pasti bikin pusing kon bikin te enak hati, kalu so nae, kon turun lagi. Cuma mo diapa lagi, kalu memang so musti bagitu.
Yah, om susupo pikir-pikir, barangkali yang bagini ini so bisa jadi palajaran buat samua. Buat pagawe, bisa balajar soal hidup yang memang ada depe sanang, ada depe kalangkabut. Buat yang babikin kaputusan, bisa balajar kalu itu kaputusan bisa butul, tapi bisa juga dikase salahnya hakim. Tagal itu, laen kali barangkali memang so musti pake ahli hukum yang memang asli depe jago hukum, buat bakase tunjuk, kalu mo babikin kaputusan, supaya jang nanti macam skarang ini baru kalangkabut. Yah, untung juga om susupo bukan pajabat, jadi te talalo bapikir akan soal jabatan yang so nae, kon barangkali mo dikase turun ulang. Karna kalu itu kana sama om susupo, palao depe jadi...**
http://hrc-connect.blogspot.com
Ini putusan PTUN Palu soal gugatannya PNS sama itu SK Bupati, yang memang so lama ditunggu-tunggu, akhirnya turun juga kamarin. Om susupo kaget juga badengar kabar, itu hakim batarima gugatannya sambilan pagawe yang mangaku jadi korban, karna depe jabatan ta turun atau so ilang sama skali kon tinggal jadi pagawe biasa. Yah, om susupo pikir, ini hukum barangkali memang te pandang bulu. Tagal itu, biar kaputusannya bupati, kalu memang hakim bilang so tasalah, yah tatap juga dorang kase salah. Luar biasa juga ini hakim PTUN, karna sambilan pagawe yang bagugat akhirnya bisa banafas sanang, karna dorang pe perjuangan pake jalur hukum, so dikabulkan.
Om susupo bukan cuma takaget deng ini putusan, tapi juga so bingung sandiri bapikir akan depe sambungan. Bayangkan, kalu itu SKnya bupati dianggap tasalah, baru bagimana deng itu pajabat-pajabat yang so dilantik barapa bulan lalu. Padahal, itu pajabat yang dilantik, ada yang depe eselon so ta nae kon so badapat tampat yang lebeh tinggi. So pasti ini yang nae jabatan, so badapat juga gaji yang lebeh tinggi, kon sampe so banikmati sagala rupa fasilitasnya depe jabatan yang baru, termasuk dorang so pake-pake buat babajalan dinas.
Bukan cuma itu, dorang juga tantu so nae rang, karna so badapat tampat yang lebeh hebat dari dulu-dulu, karna ada yang dulu cuma sekretaris, kapala bidang atau kapala bagian, skarang so jadi kapala dinas atau kapala badan. Baru so bagimana kasian dorang itu, kalu dorang pe SK pengangkatan so dianggap cacat hukum. Om susupo sandiri yang bukan pajabat, sampe barasa gilii juga, kalu babayangkan ini nasib, so pernah nae jabatan, kon akhirnya disuruh turun ulang, karna depe SK so dianggap cacat hukum. kalu cuma soal depe doi deng sagala rupa fasilitas yang so dapat pake, kalu memang so musti dikase pulang, om susupo rasa masih bisa dikase pulang juga...kandati bacicil tantu...
Cuma yang jadi masalah basaar, mo taro dimana ini muka, kalu kamarin-kamarin so kasana kamari kon orang so tau so jadi kapala dinas atau kapala badan, baru mo disuruh turun ulang ka tampat yang dulu, karna depe SK cacat. Memang, kalu bupati mo pake, tatap juga bisa diangkat ulang. Tapi yang bikin kalangkabut ini perasaan, kan persoalan jabatan yang nae turun, parsis harga bawang di pasar. Kalu bawang, so tantu-tantu memang ada depe nae, kon ada depe turun, jadi so dianggap biasa. Tapi kalu jabatan, so pasti bikin pusing kon bikin te enak hati, kalu so nae, kon turun lagi. Cuma mo diapa lagi, kalu memang so musti bagitu.
Yah, om susupo pikir-pikir, barangkali yang bagini ini so bisa jadi palajaran buat samua. Buat pagawe, bisa balajar soal hidup yang memang ada depe sanang, ada depe kalangkabut. Buat yang babikin kaputusan, bisa balajar kalu itu kaputusan bisa butul, tapi bisa juga dikase salahnya hakim. Tagal itu, laen kali barangkali memang so musti pake ahli hukum yang memang asli depe jago hukum, buat bakase tunjuk, kalu mo babikin kaputusan, supaya jang nanti macam skarang ini baru kalangkabut. Yah, untung juga om susupo bukan pajabat, jadi te talalo bapikir akan soal jabatan yang so nae, kon barangkali mo dikase turun ulang. Karna kalu itu kana sama om susupo, palao depe jadi...**
http://hrc-connect.blogspot.com
