Sabar-Sabarmo
Sampe skarang ini, om susupo blum abis pikir, kanapa kon sampe ini bupati bisa kalah di PTUN Palu. Memang itu proses hukum bisa te diduga depe hasil. Tagal itu, banyak yang langsung sakit kapala, bagitu tau kalu itu SK pelantikan yang ditandatanganinya bupati, dibilangnya hakim PTUN cacat hukum. Om susupo pikir, barangkali memang, ini hakim sementara mo kase ajar sama torang samua di kabupaten Banggai, kalu itu hukum butul-butul te pandang bulu. Mo bulu apa saja, kalu memang te ba ikot aturan, so pasti dikarbas. Yah, ini hukum memang mustinya dikase bajalan macam mistar, pokoknya lurus kon musti bakana sapa saja yang ada sama depe muka. Kan orang-orang pintar ada babilang, itu hukum memang musti rupa mistar atau bahasa di kampungnya pangeran charles biasa dibilang rule of law.
Om susupo yakin, ini hukum memang dibikin buat samua. Apalagi kalu soal itu PTUN, ada om susupo pe taman yang dosen di Fakultas Hukum ada babilang, depe tujuan memang buat mo bajaga deng bakawal ini pamarentah, supaya bisa bakase jalan ini pamarentahan deng bae-bae...Kalu om susupo te salah ingat, itu dosen bilang, depe bahasa keren, good governence...Kalu tasalah, jang marah dulu, om susupo kan te tau juga apa depe arti...Tapi yang om susupo dengar skali, itu PTUN pe tugas memang buat mo babantu bajaga ini pamarentah supaya depe bajalan tatap lurus, kon musti ba ikot aturan kalu mo bakarja. Jang sampe, mentang-mentang pamarentah, mentang-mentang pajabat, baru so sambarangan. Jadi so disitu depe guna itu PTUN. Kalu badengar itu dosen pe carita sama om susupo, rupa bagus juga ini PTUN, karna ini pamarentah ada yang baku liat akan. Kan biasanya, kalu cuma rakyat yang mo babaliat ini pamarentah, baru mo baku jaga akan, kon mo baawasi, bee biasa cuma dianggap angin lalu. Tagal itu, karna ini rakyat pe kekuatan biasa memang te sama deng pamarentah, atau ini pagawe biasa te sama deng pajabat, jadi musti ada hukum yang ba awasi akan, supaya ini pamarentah tatap ba ikot aturan. Apalagi tantu kalu mo ba bikin kaputusan, so pasti memang musti ba ikot aturan yang lebeh tinggi, supaya jang sambarangan.
Cuma skarang ini, om susupo dengar-dengar kan masih ada yang mo ba banding. Yah, itu juga hukum. Jadi bagus juga kalu ini bupati ba banding. Kalu memang te puas deng ini putusan PTUN, yah nae banding supaya di uji lagi itu kaputusannya PTUN. Buat ini pagawe yang bagugat, sabar-sabarmo dulu. Tunggu saja dulu itu kaputusan hukum yang tatap. Baru buat pamarentah, kalu memang sampe abis samua proses hukum, tatap juga kalah, om susupo mo baharap supaya diikot akan itu putusan. Jang sampe, gugatan PTUN di hadapi, bagitu kalah, baku lawan lagi, kon bagitu tatap kalah, baru te mo dikase jalan itu putusan.
Om susupo yakin, ini pamarentah masih ada depe niat mo bakase bajalan ini aturan, termasuk bakase bajalan itu putusan PTUN, kalu memang so sampe abis proses, tatap juga kalah. Om susupo juga bapikir, kalu bisa ini bupati soboleh ba evaluasi depe program, karna sampe skarang ini kan program kesehatan deng skolah gratis blum bajalan. Jang sampe, ini pamarentah cuma sibuk mo baku tangkis akan soal PTUN, baru urusan yang buat rakyat kacili so talupa lagi...Karna kalu soal ini, rakyat kacili so cukup sabar juga, batunggu kapan itu ba obat deng skolah mo jadi asli depe gratis...**
http://hrc-connect.blogspot.com
Sampe skarang ini, om susupo blum abis pikir, kanapa kon sampe ini bupati bisa kalah di PTUN Palu. Memang itu proses hukum bisa te diduga depe hasil. Tagal itu, banyak yang langsung sakit kapala, bagitu tau kalu itu SK pelantikan yang ditandatanganinya bupati, dibilangnya hakim PTUN cacat hukum. Om susupo pikir, barangkali memang, ini hakim sementara mo kase ajar sama torang samua di kabupaten Banggai, kalu itu hukum butul-butul te pandang bulu. Mo bulu apa saja, kalu memang te ba ikot aturan, so pasti dikarbas. Yah, ini hukum memang mustinya dikase bajalan macam mistar, pokoknya lurus kon musti bakana sapa saja yang ada sama depe muka. Kan orang-orang pintar ada babilang, itu hukum memang musti rupa mistar atau bahasa di kampungnya pangeran charles biasa dibilang rule of law.
Om susupo yakin, ini hukum memang dibikin buat samua. Apalagi kalu soal itu PTUN, ada om susupo pe taman yang dosen di Fakultas Hukum ada babilang, depe tujuan memang buat mo bajaga deng bakawal ini pamarentah, supaya bisa bakase jalan ini pamarentahan deng bae-bae...Kalu om susupo te salah ingat, itu dosen bilang, depe bahasa keren, good governence...Kalu tasalah, jang marah dulu, om susupo kan te tau juga apa depe arti...Tapi yang om susupo dengar skali, itu PTUN pe tugas memang buat mo babantu bajaga ini pamarentah supaya depe bajalan tatap lurus, kon musti ba ikot aturan kalu mo bakarja. Jang sampe, mentang-mentang pamarentah, mentang-mentang pajabat, baru so sambarangan. Jadi so disitu depe guna itu PTUN. Kalu badengar itu dosen pe carita sama om susupo, rupa bagus juga ini PTUN, karna ini pamarentah ada yang baku liat akan. Kan biasanya, kalu cuma rakyat yang mo babaliat ini pamarentah, baru mo baku jaga akan, kon mo baawasi, bee biasa cuma dianggap angin lalu. Tagal itu, karna ini rakyat pe kekuatan biasa memang te sama deng pamarentah, atau ini pagawe biasa te sama deng pajabat, jadi musti ada hukum yang ba awasi akan, supaya ini pamarentah tatap ba ikot aturan. Apalagi tantu kalu mo ba bikin kaputusan, so pasti memang musti ba ikot aturan yang lebeh tinggi, supaya jang sambarangan.
Cuma skarang ini, om susupo dengar-dengar kan masih ada yang mo ba banding. Yah, itu juga hukum. Jadi bagus juga kalu ini bupati ba banding. Kalu memang te puas deng ini putusan PTUN, yah nae banding supaya di uji lagi itu kaputusannya PTUN. Buat ini pagawe yang bagugat, sabar-sabarmo dulu. Tunggu saja dulu itu kaputusan hukum yang tatap. Baru buat pamarentah, kalu memang sampe abis samua proses hukum, tatap juga kalah, om susupo mo baharap supaya diikot akan itu putusan. Jang sampe, gugatan PTUN di hadapi, bagitu kalah, baku lawan lagi, kon bagitu tatap kalah, baru te mo dikase jalan itu putusan.
Om susupo yakin, ini pamarentah masih ada depe niat mo bakase bajalan ini aturan, termasuk bakase bajalan itu putusan PTUN, kalu memang so sampe abis proses, tatap juga kalah. Om susupo juga bapikir, kalu bisa ini bupati soboleh ba evaluasi depe program, karna sampe skarang ini kan program kesehatan deng skolah gratis blum bajalan. Jang sampe, ini pamarentah cuma sibuk mo baku tangkis akan soal PTUN, baru urusan yang buat rakyat kacili so talupa lagi...Karna kalu soal ini, rakyat kacili so cukup sabar juga, batunggu kapan itu ba obat deng skolah mo jadi asli depe gratis...**
http://hrc-connect.blogspot.com
