Urus Daerah Dulu...
Hebat juga ini pajabat-pajabat di Indonesia. Om susupo liat-liat di berita, ini demo yang ba tolak BBM nae so makin panas kon so sampe baku-baku lempar deng polisi, tapi torang pe presiden ada kasana-kamari ka negaranya orang. Te tau memang ada butul-butul mo ba urus urusannya Indonesia, atau ada kaparluan laen, cuma yang om susupo bingung akan, kanapa juga kon sampe so barapa hari. Padahal ini urusannya rakyat Indonesia kan bukan cuma mo baku tunggu deng ini BBM yang mo dikase nae awal bulan depan, tapi juga so sagala rupa macam ini harga-harganya barang yang so mulai baku rebe nae, sampe soal panjahat BBM yang macam so jadi pe banyak skali, kon amper tiap hari ada berita di televisi yang bakase kabar soal tukang simpan BBM yang tatangkap.
Yang bikin om susupo tatambah pusing, ternyata bukan di Jakarta. Di Luwuk juga rupa so baku ikot kalangkabut depe pimpinan daerah. Ini demonya mahasiswa deng kelompok laen yang ba tolak harga BBM nae, juga so amper tiap hari kaliatan kon so mulai banyak. Kamarin saja, om susupo jadi gugup waktu bakun temu deng itu orang demo, karna dorang so pigi sandra itu oto tengki yang biasa bamuat bensin. Om susupo jelas gugup, bayangkan kalu ada apa-apa deng itu bensin, kon maladak, baru tantu jadi urusan basaar. Bukan cuma itu, om susupo juga so mulai liat ini harga-harga barang di pasarnya Luwuk, juga somulai baku-baku rebe bamahal, parsis harganya bensin eceran yang memang so mahal skali skarang ini.
Baru depe hebat, ternyata om susupo dengar-dengar, te ada ini bupati deng wakil bupati di Luwuk skarang ini. Om susupo pikir, memang itu urusan kaluar daerah juga parlu, tapi kira-kira, kalu memang masih bisa ditunda, coba jang dulu skarang-skarang ini bakase tinggal ini Luwuk. Ini rakyat juga kan masih parlu diperhatikan, karna ini hidup rupa so kalangkabut skali. BBM resmi blum nae, eh ini bensin eceran so sampe 7000 satu botol. Mo baku antri pe lama kon kalangkabut skali, karna baku-baku rampas deng tuannya jergen.
Om susupo tasadar, barangkali memang so baku ikot juga ini pajabat yang di Luwuk deng di Jakarta sana. Daripada babaliat ini daerah yang pe kalangkabut skali, lebeh bae barangkali kase tinggal dulu. Mudah-mudahan te bagitu depe asli. Cuma om susupo bapikir, kira-kira apa yang diurusnya ini pajabat kon pe rajin skali kaluar daerah, sampe so te ada depe pajabat penting. Kamarin saja, waktu itu pak Kapolres ada babakin rapat mo babicarakan ini soal BBM deng sagala rupa demo sampe depe dampak, eh cuma asistennya Sekkab yang ada datang. Kan kasian juga itu pak kapolres, padahal dia tantu parlu dibantu, supaya jang nanti so kacau baru itu polisi disuruh maju dimuka baku hadap deng sagala rupa manusia. Kan kasian juga itu polisi. Karna bagitu ada kajadian kalangkabut, polisi lagi yang biasa dikase salah. Tapi ini urusannya pamarentah yang mustinya ba atur ini pamarentahah deng sagala rupa urusannya rakyat, macam dikase biarnya itu bos-bos yang depe jabatan tinggi skali.
Om susupo pikir, kalu memang masih bisa ditunda itu urusan kaluar daerah, lebeh bae jang dulu kakaluar. Urus dulu ini daerah, macam soal ini harga-harga yang so pe kalangkabut kon bikin ini orang pe dompet tacako-cako, karna hele doi logam yang tasisip didompet so dicari-cari skarang ini buat mo batambah-tambah babayar balanjaan di pasar. Jang sampe, nanti so pe banyak orang stress kon ada babacarita deng tiang listrik, baru ini pajabat kalangkabut bapikir akan...**
Jangan Lupa Like or comment di Blog ini Ya.....
Yang bikin om susupo tatambah pusing, ternyata bukan di Jakarta. Di Luwuk juga rupa so baku ikot kalangkabut depe pimpinan daerah. Ini demonya mahasiswa deng kelompok laen yang ba tolak harga BBM nae, juga so amper tiap hari kaliatan kon so mulai banyak. Kamarin saja, om susupo jadi gugup waktu bakun temu deng itu orang demo, karna dorang so pigi sandra itu oto tengki yang biasa bamuat bensin. Om susupo jelas gugup, bayangkan kalu ada apa-apa deng itu bensin, kon maladak, baru tantu jadi urusan basaar. Bukan cuma itu, om susupo juga so mulai liat ini harga-harga barang di pasarnya Luwuk, juga somulai baku-baku rebe bamahal, parsis harganya bensin eceran yang memang so mahal skali skarang ini.
Baru depe hebat, ternyata om susupo dengar-dengar, te ada ini bupati deng wakil bupati di Luwuk skarang ini. Om susupo pikir, memang itu urusan kaluar daerah juga parlu, tapi kira-kira, kalu memang masih bisa ditunda, coba jang dulu skarang-skarang ini bakase tinggal ini Luwuk. Ini rakyat juga kan masih parlu diperhatikan, karna ini hidup rupa so kalangkabut skali. BBM resmi blum nae, eh ini bensin eceran so sampe 7000 satu botol. Mo baku antri pe lama kon kalangkabut skali, karna baku-baku rampas deng tuannya jergen.
Om susupo tasadar, barangkali memang so baku ikot juga ini pajabat yang di Luwuk deng di Jakarta sana. Daripada babaliat ini daerah yang pe kalangkabut skali, lebeh bae barangkali kase tinggal dulu. Mudah-mudahan te bagitu depe asli. Cuma om susupo bapikir, kira-kira apa yang diurusnya ini pajabat kon pe rajin skali kaluar daerah, sampe so te ada depe pajabat penting. Kamarin saja, waktu itu pak Kapolres ada babakin rapat mo babicarakan ini soal BBM deng sagala rupa demo sampe depe dampak, eh cuma asistennya Sekkab yang ada datang. Kan kasian juga itu pak kapolres, padahal dia tantu parlu dibantu, supaya jang nanti so kacau baru itu polisi disuruh maju dimuka baku hadap deng sagala rupa manusia. Kan kasian juga itu polisi. Karna bagitu ada kajadian kalangkabut, polisi lagi yang biasa dikase salah. Tapi ini urusannya pamarentah yang mustinya ba atur ini pamarentahah deng sagala rupa urusannya rakyat, macam dikase biarnya itu bos-bos yang depe jabatan tinggi skali.
Om susupo pikir, kalu memang masih bisa ditunda itu urusan kaluar daerah, lebeh bae jang dulu kakaluar. Urus dulu ini daerah, macam soal ini harga-harga yang so pe kalangkabut kon bikin ini orang pe dompet tacako-cako, karna hele doi logam yang tasisip didompet so dicari-cari skarang ini buat mo batambah-tambah babayar balanjaan di pasar. Jang sampe, nanti so pe banyak orang stress kon ada babacarita deng tiang listrik, baru ini pajabat kalangkabut bapikir akan...**
Jangan Lupa Like or comment di Blog ini Ya.....
