Kalu om susupo te salah ingat, barapa minggu lalu, ada patugas Pol PP yang om susupo liat ada basuruh itu panjual stiker supaya jang lagi babajual di trotoar. Om susupo memang ada liat depe foto di Koran, ada patugas yang balarang itu panjual stiker yang bajual di komplek jalan Samratulangi, te jaoh dari kantor polisi. Om susupo paham, ini trotoar memang te boleh dipake babajual, te boleh diambe buat kapantingannya orang tertentu, karna itu trotoar dibikin deng doi daerah buat kaparluannya orang yang babajalan kaki. Skali lagi, om susupo stuju, kalu yang bagitu dikase tertib, supaya trotoar te dipake-pake sambarangan.
Cuma, om susupo juga mo kase ingat sama ini patuas Pol PP, supaya jang cuma bakase liat depe barani sama panjual stiker. Coba liat itu trotoar di komplek pertokoan yang so dijejer akan deng sagala rupa barang-barangnya toko, ada juga yang so dipake buat tampat parkir oto, ada yang dipake buat kios-kios macam di jole, kon ada juga yang so disambung deng lantenya toko, macam yang ada di jalan basar di jole itu. Atau pigi liat juga itu tanahnya pamarentah yang so dipake-pakenya orang buat rumah di Tanjung sana. Om susupo pikir, ini patugas Pol PP kan dilatih bukan cuma buat mo bagartak panjual stiker. Mustnya kan dorang pe tugas ba amankan samua asset pemda, mulai dari trotoar sampe tanah-tanahnya pamarentah.
Tagal itu, om susupo mo kase ingat ulang, supaya ini patugasnya daerah, coba putar-putar akan ini kota Luwuk yang kacili, kon liat bae-bae samua hal. Yah, macam masalah trotoar, jang cuma yang dipakenya panjual stiker. Coba karbas juga itu tuan toko yang so bakuasai trotoar kon dorang pake-pake buat tampat jualan, parsis dorang pe trotoar. Baru kase tertib juga itu tanahnya pamarentah yang so bikin-bikin akan rumah. Tapi kalu memang te barani, lebeh bae babadiam saja di pos, te usah pigi kasana-kamari, kon depe ujung yang mo dikarbas cuma panjual stiker atau panjual bensin. Lebeh bae tinggaljo di kantor, te usaha kasana-kamari, dari pada kasana kamari, kon yang mo dihaga miring cuma kalasnya panjual stiker deng panjual bensin. Baru kalu so tuan toko, atau orang-orang yang so babikin rumah di tanahnya pamarentah, so pura-pura te dapat liat…Jadi, skalian jo jang di larang samua. Kase biarjo samua orang bisa babikin apa yang dorang suka…ebeee boleh bagitu ?**
Cuma, om susupo juga mo kase ingat sama ini patuas Pol PP, supaya jang cuma bakase liat depe barani sama panjual stiker. Coba liat itu trotoar di komplek pertokoan yang so dijejer akan deng sagala rupa barang-barangnya toko, ada juga yang so dipake buat tampat parkir oto, ada yang dipake buat kios-kios macam di jole, kon ada juga yang so disambung deng lantenya toko, macam yang ada di jalan basar di jole itu. Atau pigi liat juga itu tanahnya pamarentah yang so dipake-pakenya orang buat rumah di Tanjung sana. Om susupo pikir, ini patugas Pol PP kan dilatih bukan cuma buat mo bagartak panjual stiker. Mustnya kan dorang pe tugas ba amankan samua asset pemda, mulai dari trotoar sampe tanah-tanahnya pamarentah.
Tagal itu, om susupo mo kase ingat ulang, supaya ini patugasnya daerah, coba putar-putar akan ini kota Luwuk yang kacili, kon liat bae-bae samua hal. Yah, macam masalah trotoar, jang cuma yang dipakenya panjual stiker. Coba karbas juga itu tuan toko yang so bakuasai trotoar kon dorang pake-pake buat tampat jualan, parsis dorang pe trotoar. Baru kase tertib juga itu tanahnya pamarentah yang so bikin-bikin akan rumah. Tapi kalu memang te barani, lebeh bae babadiam saja di pos, te usah pigi kasana-kamari, kon depe ujung yang mo dikarbas cuma panjual stiker atau panjual bensin. Lebeh bae tinggaljo di kantor, te usaha kasana-kamari, dari pada kasana kamari, kon yang mo dihaga miring cuma kalasnya panjual stiker deng panjual bensin. Baru kalu so tuan toko, atau orang-orang yang so babikin rumah di tanahnya pamarentah, so pura-pura te dapat liat…Jadi, skalian jo jang di larang samua. Kase biarjo samua orang bisa babikin apa yang dorang suka…ebeee boleh bagitu ?**
