Bae-Bae NTTK
Om susupo takaget juga waktu babadengar kabar, kalu ini pamarentah so ada bakase siap usulan ka dewan, buat mo babikin itu usaha barunya daerah. Memang bagus juga kalu so mulai banyak yang bapikir enterpreneurship. Sory, om susupo baru dengar itu istilah kamarin dari itu taman yang kuliah ekonomi, cuma karna om susupo dengar itu istilah macam bagus dibilang, jadi om susupo coba-coba pake, kandati ini lidah tacako-cako babilang. Itu taman bilang, depe makna kira-kira sama deng ada hati ba bisnis. Bagus juga kalu ini pajabat pamarentah memang so ada hati babisnis, kan berarti ini sagala rupa potensinya daerah, so bisa dipikir, sapa tau depe nilai so bisa bikin ini daerah badapat doi banyak, kon tantu bikin anggaran pembangunan tatambah banyak, kalu parlu sampe te tapake yang laen-laen.
Cuma waktu ini om susupo baru mo menghayal akan ini daerah yang depe doi sominta ampun depe banyak, karna sagala rupa potensi so digarap, om susupo mendadak dikase ingat, kalu barangkali ada pajabat yang so bukan cuma ada hati babisnis, tapi juga barangkali so ada niat mo bakuasai samua usaha. Bee, kalu depe tujuan mo bakuasai samua bidang usaha, om susupo tantu te stuju deng itu usaha barunya daerah. Biar ini om susupo bukan kontraktor, tapi om susupo jelas te tarima, kalu sampe-sampe so pakarjaanya orang laen yang mo dibaku rampas akan pake atas nama daerah. Kan kasian juga kalu ada kontraktor yang memang depe hidup dari ba karja proyek yang depe doi dari APBD, baru so susah mo badapat pakarjaan, karna so ada usahanya daerah yang barangkali dikase prioritas. Om susupo slama ini kan ada babataman juga deng ini kontraktor, kon ada yang memang mangaku stengah mati badapat pakarjaan, apalagi kalu te ada koneksi biar sadikit. Kalu yang babasaar, biar te pake koneksi juga boleh, paling baku tembak waktu mo ba ikot tender. Tapi kalu yang kakacili, biasa memang musti minta tolong sama sagala rupa orang, supaya dikase akan pakarjaan...
Kon bukan cuma itu, dengar-dengar itu bisnis yang mo diurusnya itu usahanya daerah yang baru, pe banyak skali, mulai dari urusan laut sampe urusan di gunung. Dari bagale-gale lokasi tambang, sampe batanam-tanam, kon sampe ba urus hotel deng mo babikin koran. Om susupo pikir, tantu hebat juga ini yang sabantar mo dikase siap ba urus deng bapimpin itu usahanya daerah yang baru. Tapi kira-kira ada orang so pe hebat macam superman bagitu, yang sampe samua urusan bisnis bisa diurus ? Karna om susupo liat-liat, hele mo ba urus itu usahanya daerah yang skarang ini depe karja bafoto copy akan berkasnya orang, pe susah skali, apalagi kalu mo ba urus usaha yang pe banyak skali. Om susupo cuma mo kase ingat, jang sampe juga ini cuma mo jadi NTTK, alias nafsu tinggi tenaga kurang. Kan biasa memang talalo banyak kamauan, tapi sarta mo dibikin, pe susah minta ampun. Baru sarta dituntutnya rakyat, deng enteng biasa somo baku cari kasalahan sama orang laen. Yah, daripada cuma mo jadi NTTK, lebeh bae dipikir-pikir ulang kasian. Kon ini dewan juga jang asal main stuju. Jang karna barangkali dijanji mo dikase oto dinas baru yang pe gagah skali, baru deng gampang batariak stuju...**
Cuma waktu ini om susupo baru mo menghayal akan ini daerah yang depe doi sominta ampun depe banyak, karna sagala rupa potensi so digarap, om susupo mendadak dikase ingat, kalu barangkali ada pajabat yang so bukan cuma ada hati babisnis, tapi juga barangkali so ada niat mo bakuasai samua usaha. Bee, kalu depe tujuan mo bakuasai samua bidang usaha, om susupo tantu te stuju deng itu usaha barunya daerah. Biar ini om susupo bukan kontraktor, tapi om susupo jelas te tarima, kalu sampe-sampe so pakarjaanya orang laen yang mo dibaku rampas akan pake atas nama daerah. Kan kasian juga kalu ada kontraktor yang memang depe hidup dari ba karja proyek yang depe doi dari APBD, baru so susah mo badapat pakarjaan, karna so ada usahanya daerah yang barangkali dikase prioritas. Om susupo slama ini kan ada babataman juga deng ini kontraktor, kon ada yang memang mangaku stengah mati badapat pakarjaan, apalagi kalu te ada koneksi biar sadikit. Kalu yang babasaar, biar te pake koneksi juga boleh, paling baku tembak waktu mo ba ikot tender. Tapi kalu yang kakacili, biasa memang musti minta tolong sama sagala rupa orang, supaya dikase akan pakarjaan...
Kon bukan cuma itu, dengar-dengar itu bisnis yang mo diurusnya itu usahanya daerah yang baru, pe banyak skali, mulai dari urusan laut sampe urusan di gunung. Dari bagale-gale lokasi tambang, sampe batanam-tanam, kon sampe ba urus hotel deng mo babikin koran. Om susupo pikir, tantu hebat juga ini yang sabantar mo dikase siap ba urus deng bapimpin itu usahanya daerah yang baru. Tapi kira-kira ada orang so pe hebat macam superman bagitu, yang sampe samua urusan bisnis bisa diurus ? Karna om susupo liat-liat, hele mo ba urus itu usahanya daerah yang skarang ini depe karja bafoto copy akan berkasnya orang, pe susah skali, apalagi kalu mo ba urus usaha yang pe banyak skali. Om susupo cuma mo kase ingat, jang sampe juga ini cuma mo jadi NTTK, alias nafsu tinggi tenaga kurang. Kan biasa memang talalo banyak kamauan, tapi sarta mo dibikin, pe susah minta ampun. Baru sarta dituntutnya rakyat, deng enteng biasa somo baku cari kasalahan sama orang laen. Yah, daripada cuma mo jadi NTTK, lebeh bae dipikir-pikir ulang kasian. Kon ini dewan juga jang asal main stuju. Jang karna barangkali dijanji mo dikase oto dinas baru yang pe gagah skali, baru deng gampang batariak stuju...**
![Make Gothic Picture [Best Photo Effect]](https://blogger.googleusercontent.com/img/b/R29vZ2xl/AVvXsEioDEumCB3Qe-aUByYw5DNuK_9Js4bnYLDu_AA-Rch_d0Sl2HPNot_4ICWwou7mNXEtJZq1VsACmNHCmzarFq5ZPV4vNK6_QW3dmPxvm1RX2u1AvjcBlmV5nR_eSNE-yM9VPrlSkmwgMK7T/w100/9mmstock.jpg)
